నన్ను అల్లు అర్జున్‌తో పోల్చకండి.. అతను గొప్ప నటుడు - అమితాబ్ బచ్చన్

ప్రస్తుతం టాలీవుడ్ ఇండస్ట్రీలో మాత్రమే కాదు దేశవ్యాప్తంగా కూడా అల్లు అర్జున్  పేరు మారుమోగిపోతున్న సంగతి తెలిసిందే. ఈయన నటించిన పుష్ప 2  సినిమా ద్వారా ప్రేక్షకుల ముందుకు వచ్చి ఎంతో అద్భుతమైన విజయాన్ని సొంతం చేసుకున్నారు.ఈ సినిమా సుమారు 1700 కోట్లకు పైగా కలెక్షన్లను రాబట్టి సంచలనం సృష్టించింది. ఇలా ఈ సినిమా ద్వారా బన్నీ పేరు ఫ్రెండ్ అవుతుండగా మరోవైపు ఈ సినిమా విడుదలకు ముందు తొక్కిసలాట ఘటనలో భాగంగా అల్లు అర్జున్ అభిమాని మరణించడంతో ఆ కేసులో భాగంగా అల్లు అర్జున్ అరెస్ట్ కావడంతో ఈయన ప్రస్తుతం వివాదంలో నిలిచారు.  ఈ క్రమంలోనే అల్లు అర్జున్  పట్ల ఎంతోమంది సెలబ్రిటీలు పరోక్షంగా విమర్శలు కూడా చేస్తున్న విషయం తెలిసినదే .అయితే తాజాగా బాలీవుడ్ స్టార్ హీరో అమితాబ్ బచ్చన్ సైతం అల్లు అర్జున్ గురించి ప్రస్తావన రావడంతో దయచేసి నన్ను ఆ హీరోతో పోల్చకండి అంటూ కామెంట్ చేశారు. ఇంతకీ ఏం జరిగిందనే విషయానికి వస్తే... అమితాబ్ బచ్చన్ కౌన్ బనేగా కరోడ్ పతి  అనే కార్యక్రమానికి హోస్ట్ గా వ్యవహరిస్తున్న విషయం తెలిసిందే.  ఇక ఈ కార్యక్రమంలో భాగంగా ఒక కంటెస్టెంట్ మాట్లాడుతూ తాను అల్లు అర్జున్ అలాగే అమితాబ్ గారికి పెద్ద అభిమాని అని తెలియజేశారు.ఇలా సదరు కంటెస్టెంట్ మాట్లాడటంతో వెంటనే స్పందించిన అమితాబ్.. అల్లు అర్జున్ ఎంతో అద్భుతమైన టాలెంట్ ఉన్నటువంటి గొప్ప నటుడు. ఈ గుర్తింపుకు ఆయన అర్హుడు. తాను కూడా పుష్ప 2 (Pushpa 2)తో అల్లు అర్జున్ కి వీరాభిమానిగా మారిపోయాను దయచేసి అలాంటి ఒక గొప్ప నటుడితో నన్ను పోల్చవద్దు అంటూ అమితాబ్ చేసిన ఈ కామెంట్స్ ప్రస్తుతం సోషల్ మీడియాలో వైరల్ అవుతున్నాయి.