డిజిటల్ పార్టనర్ ని లాక్ చేసిన 'OG'
cinema | Suryaa Desk | Published : Tue, Jan 14, 2025, 02:50 PM
టాలీవుడ్ పవర్ స్టార్ పవన్ కళ్యాణ్ తన తదుపరి సినిమాని టాలెంటెడ్ సుజీత్ దర్శకత్వంలో చేస్తునట్లు ప్రకటించిన సంగతి అందరికి తెలిసిందే. ఈ చిత్రానికి మూవీ మేకర్స్ 'OG' అనే టైటిల్ ని లాక్ చేసారు. ఈ చిత్ర బృందం ఇటీవల బ్యాంకాక్లో షూటింగ్ షెడ్యూల్ను పూర్తి చేసింది. DJ టిల్లులో తన పాత్రకు బాగా పేరుగాంచిన నేహా షెట్టి ఈ సినిమాలో ప్రత్యేక పాటలో కనిపించనుంది. తాజాగా ఇప్పుడు ప్రముఖ స్ట్రీమింగ్ ప్లాట్ఫారం నెట్ఫ్లిక్స్ ఈ సినిమా యొక్క డిజిటల్ రైట్స్ ని సొంతం చేసుకున్నట్లు సమాచారం. ఈ విషయాన్ని స్ట్రీమింగ్ ప్లాట్ఫారం సోషల్ మీడియాలో సరికొత్త పోస్టర్ ని విడుదల చేసి ప్రకటించింది. ఈ చిత్రంలో ప్రియాంక అరుల్ మోహన్ మహిళా ప్రధాన పాత్రలో నటిస్తున్నారు. ఈ చిత్రంలో బాలీవుడ్ నటుడు ఇమ్రాన్ హష్మీ, ప్రకాష్ రాజ్, శ్రీయా రెడ్డి, అర్జున్ దాస్, షామ్ మరియు హరీష్ ఉత్తమన్ కీలక పాత్రలో నటిస్తున్నారు. డివివి ఎంటర్టైన్మెంట్ పతాకంపై డివివి దానయ్య ఈ చిత్రాన్ని నిర్మిస్తున్నారు. ఈ పీరియాడికల్ గ్యాంగ్స్టర్ చిత్రానికి థమన్ సంగీతాన్ని అందిస్తున్నారు.
|
|