ట్రెండింగ్
Epaper    English    தமிழ்

దక్షిణాది హీరోలపై షారుఖ్ ఆసక్తికర వ్యాఖ్యలు

cinema |  Suryaa Desk  | Published : Tue, Jan 28, 2025, 08:32 PM

బాలీవుడ్‌ హీరో షారుక్‌ ఖాన్‌ .. దక్షిణాది కథానాయకులపై ఆసక్తికర వ్యాఖ్యలు చేశారు. సంబంధిత వీడియో నెట్టింట వైరల్‌గా మారింది.దుబాయ్‌ వేదికగా జరిగిన 'గ్లోబల్‌ విలేజ్‌' కార్యక్రమానికి ఆయన హాజరై సందడి చేశారు. వేదికపై డ్యాన్స్‌ చేసి అతిథులను అలరించారు. అనంతరం మాట్లాడుతూ సౌతిండియా స్టార్స్‌ ప్రభాస్‌, మహేశ్‌బాబు, రామ్‌ చరణ్‌, అల్లు అర్జున్‌, యశ్‌, రజనీకాంత్‌, విజయ్‌ తదితరులు తన స్నేహితులని పేర్కొన్నారు. వేగంగా డ్యాన్స్‌ చేయడం ఆపేయాలని వారికి విజ్ఞప్తి చేశారు. డ్యాన్స్‌ విషయంలో వారిని ఫాలో అవడం కష్టమంటూ నవ్వులు పూయించారు. ఆయా హీరోల పేర్లను షారుక్‌ ప్రస్తావిస్తుండగా.. అభిమానుల కేరింతలతో ప్రాంగణం హోరెత్తింది.గతంలోనూ దక్షిణాది చిత్ర పరిశ్రమపై షారుక్‌ అభిమానాన్ని చాటుకున్నారు. కోలీవుడ్‌ డైరెక్టర్‌ అట్లీ, నటులు నయనతార, విజయ్‌ సేతుపతితో ఆయన కలిసి పని చేసిన సంగతి తెలిసిందే. ఈ కాంబినేషన్‌లో తెరకెక్కిన 'జవాన్‌' రూ.1000 కోట్లు వసూళ్లు చేసిన చిత్రాల జాబితాలో చేరింది. ప్రస్తుతం 'కింగ్‌' చిత్రంలో నటిస్తున్నారు షారుక్‌. సిద్ధార్థ్‌ ఆనంద్‌ దర్శకత్వం వహిస్తున్న ఈ సినిమాలో షారుక్‌ తనయ సుహానా ఖాన్‌ కీలక పాత్ర పోషిస్తోంది.






SURYAA NEWS, synonym with professional journalism, started basically to serve the Telugu language readers. And apart from that we have our own e-portal domains viz,. https://www.suryaa.com/ and https://epaper.suryaa.com