ఫిబ్రవరి 28కి వాయిదా పడిన ‘అగత్యా’
cinema | Suryaa Desk | Published : Fri, Jan 31, 2025, 02:29 PM
జనవరి 31న రిలీజ్ కావాల్సిన ఫ్యాంటసీ హారర్ థ్రిల్లర్ సినిమాను వాయిదా వేసినట్లుగా మేకర్స్ అధికారికంగా ప్రకటించారు. జీవా, యాక్షన్ కింగ్ అర్జున్ సర్జా, రాశీ ఖన్నా ప్రధాన తారాగణంగా నటిస్తున్న తాజా చిత్రం ‘అగత్యా’. వేల్స్ ఫిలిం ఇంటర్నేషనల్ పతాకంపై ఐసరి గణేష్ నిర్మిస్తున్నారు. ఈ చిత్రానికి ప్రముఖ గీత రచయిత పా.విజయ్ కథ, దర్శకత్వ బాధ్యతలను నిర్వహిస్తున్నారు. గ్రామీణ నేపథ్యంతో పాటు మంచి థ్రిల్లింగ్ కాన్సెప్ట్తో రూపుదిద్దుకుంటోన్న ఈ సినిమాకు ప్రముఖ మ్యూజిక్ డైరెక్టర్ యువన్ శంకర్ రాజా సంగీతం అందిస్తున్నారు. ఈ సినిమా జనవరి 31న అధికారికంగా విడుదల అంటూ ఇప్పటికే మేకర్స్ అనౌన్స్ చేసి ఉన్నారు. కానీ, ఆ తేదీకి ఈ సినిమా విడుదల కావడం లేదని తెలుపుతూ.. మరో డేట్ని మేకర్స్ ప్రకటించారు.సినిమా రిలీజ్ను జనవరి 31 నుంచి ఫిబ్రవరి 28కి పోస్ట్ పోన్ చేసినట్లు అధికారికంగా ప్రకటించారు.
|
|