ఆలస్యం కాదు, ఇదే సరైన సమయం
cinema | Suryaa Desk | Published : Sat, Feb 01, 2025, 08:01 AM
పద్మ భూషణ్ అవార్డుకు ఎంపికైన నందమూరి బాలకృష్ణ ను బసవతారకం ఇండో అమెరికన్ క్యాన్సర్ ఆస్పత్రి, రీసెర్చి ఇన్స్టిట్యూట్ యాజమాన్యం, వైద్యులు, సిబ్బంది తరపున ఘనంగా సత్కరించారు. ఈ సందర్భంగా బాలకృష్ణ మాట్లాడుతూ ‘నాకు పద్మ పురస్కారం ఆలస్యంగా వచ్చిందని కొందరు అంటున్నారు. కానీ అది సరి కాదు. మా నాన్న ఎన్టీఆర్గారి శత జయంతి వేడుకలు జరుగుతున్న సందర్భం ఇది. 75 ఏళ్ల నటజీవితం ఆయనది. నేను కూడా 50 ఏళ్ల సినీ జీవితాన్ని పూర్తి చేసుకున్నా. మూడు సార్లు వరుసగా హిందూపురంలో గెలిచాను. నేను నటించిన నాలుగు చిత్రాలు వరుసగా అఖండ విజయం సాధించాయి. ఇటువంటి సమయంలో అత్యున్నత పురస్కారం పద్మభూషణ్ను అందుకుంటున్నాను. ఇదే సరైన సమయం’ అని అన్నారు. ‘మా నాన్నగారికి భారతరత్న అందకపోవడం కొంత అసంతృప్తిని కలిగిస్తోంది. త్వరలోనే దానిని కూడా సాధిస్తామనే ఆశ ఉంది’ అన్నారాయన. తాను ఏనాడు ఏదీ ఆశించి పని చేయలేదని పేర్కొంటూ ‘నాన్న ఆశీర్వాదంతోనే పద్మభూషణ్ నన్ను వరించింది’ అని బాలకృష్ణ అన్నారు.
|
|