వైరల్ అవుతున్న పూజా హెగ్డే చిరుబుర్రులు
cinema | Suryaa Desk | Published : Wed, Feb 05, 2025, 04:30 PM
బాలీవుడ్ తారలు సౌత్ సినిమా గురించి మాట్లాడుతూ.. తెలుగు సినిమాని విస్మరించిన తీరు ఎన్నో సార్లు చూశాం. సౌత్ అంటే మద్రాస్, సాంబార్ ఇడ్లీ అనే భావన బాలీవుడ్ లో పాతుకుపోయింది. ఒకవైపు తెలుగు సినిమా ప్రపంచ వ్యాప్తంగా విస్తరిస్తున్న నేపథ్యంలో కొందరు తారలకు ఇంకా అవగాహన ఏర్పడకపోవడం గమనార్హం. ఇది ఇలా ఉంటే తెలుగు సినీ పరిశ్రమ ద్వారా కెరీర్ లో బ్రేక్ సాధించి టాప్ హీరోయిన్ గా ఎదిగిన పూజా హెగ్డే కూడా ఇలాంటి పొరపాటే చేయడం ఫ్యాన్స్ కు తీవ్ర ఆగ్రహాన్ని తెప్పిస్తుంది. ఇంతకు ఏం జరిగిందంటే..పూజా హెగ్డే.. పేరుకి ముంబై అమ్మాయి అయినా తెలుగు ఇండస్ట్రీ బ్రేక్ ఇచ్చింది.
దువ్వాడ జగన్నాథం, అరవింద సమేత, మహర్షి, అల వైకుంఠపురములో వంటి సినిమాలతో ఆమెకు మంచి పేరు లభించింది. ఆ తర్వాత తమిళంలోనూ టాప్ హీరోలతో నటించిన సక్సెస్ సాధించలేకపోయింది. ఈ క్రమంలోనే కెరీర్ లో అవకాశాలు తగ్గు ముఖం పడటంతో ఆమె బాలీవుడ్ బాటపట్టారు. తాజాగా షాహిద్ కపూర్ సరసన నటించిన 'దేవా' చిత్రం రిలీజ్ అయ్యింది. ఇదిలా ఉండగా ఆమె ఓ షోలో అవగాహనా రాహిత్యంతో మాట్లాడటం ఫ్యాన్స్ ని మండిపడేలా చేసింది. అదృష్టమే నాకు అవకాశాలు ఇస్తుంది తప్ప, ఎవరి సహకారంతో కాదు అంటూ తను మాట్లాడిన మాటలు సోషల్ మీడియాలో వైరల్ గా మారాయి
|
|