జీ తెలుగులో సండే స్పెషల్ మూవీస్

భోళా శంకర్: టాలీవుడ్ మెగా స్టార్ చిరంజీవి నటించిన భోళా శంకర్ చిత్రానికి మెహర్ రమేష్ దర్శకత్వం వహించారు. ఈ చిత్రం 2015లో అజిత్ ప్రధాన పాత్రలో నటించిన తమిళ హిట్ వేదాళం చిత్రానికి రీమేక్. ఈ చిత్రంలో తమన్నా చిరుకి జోడిగా నటించింది. ఈ సినిమా యొక్క శాటిలైట్ రైట్స్ ని జీ తెలుగు ఛానల్ సొంతం చేసుకుంది. తాజాగా ఇప్పుడు ఈ సినిమా ఫిబ్రవరి 9న మధ్యాహ్నం 12:00 గంటలకి వరల్డ్ టెలివిషన్ ప్రీమియర్ గా ప్రసారం కానున్నట్లు సమాచారం. కీర్తి సురేష్, సుశాంత్, వేణు యెల్దండి, హైపర్ ఆది, శ్రీముఖి, తరుణ్ అరోరా, మురళీ శర్మ, బిత్తిరి సతి, రవిశంకర్, రఘుబాబు, గెట్ అప్ శ్రీను, రష్మీ గౌతమ్‌, వెన్నెల కిషోర్, తులసి, మరియు ఉత్తేజ్ ఈ సినిమాలో కీలక పాత్రలలో నటించారు. కోల్‌కతా నేపథ్యంలో జరిగిన భోలా శంకర్ ని ఎకె ఎంటర్‌టైన్‌మెంట్స్ పతాకంపై అనిల్ సుంకర నిర్మించారు. మహతి స్వర సాగర్ సంగీతం అందించిన ఈ చిత్రానికి డూడ్లీ సినిమాటోగ్రఫీ అందిస్తున్నారు.

హనుమాన్: ప్రశాంత్ వర్మ యొక్క సూపర్ హీరో యాక్షన్ చిత్రం "హనుమాన్" 2024లో అతిపెద్ద హిట్‌లలో ఒకటి గా నిలిచింది. తేజ సజ్జ ప్రధాన పాత్రలో నటించిన ఈ సినిమా ప్రపంచవ్యాప్తంగా బాక్సాఫీస్ 250 కోట్ల గ్రాస్‌ను అధిగమించింది. లేటెస్ట్ అప్డేట్ ప్రకారం, ఈ సినిమా ప్రముఖ ఎంటర్టైన్మెంట్ ఛానల్ జీ తెలుగు ఛానల్ లో వరల్డ్ టెలివిజన్ ప్రీమియర్‌ను ఫిబ్రవరి 9న మధ్యాహ్నం 3 గంటలకి ప్రదర్శించటానికి సిద్ధంగా ఉంది. హనుమాన్ 2024 సంక్రాంతికి అత్యధిక వసూళ్లు సాధించిన చిత్రంగా నిలిచింది మరియు ఇది భారీ చిత్రాలతో పాటు విడుదలైనప్పటికీ సంచలన విజయం. ఈ సినిమాలో తేజ సజ్జ ప్రేమికురాలిగా అమృత అయ్యర్ నటించగా, అతని సోదరిగా వరలక్ష్మి శరత్‌కుమార్ నటించింది. వినయ్ రాయ్ విలన్ గా నటించిన ఈ చిత్రంలో వెన్నెల కిషోర్, గెటప్ శ్రీను, సత్య, రాజ్ దీపక్ శెట్టి కూడా ముఖ్య పాత్రల్లో నటిస్తున్నారు. ప్రైమ్ షో ఎంటర్‌టైన్‌మెంట్ బ్యానర్‌పై నిరంజన్ రెడ్డి ఈ విఎఫ్‌ఎక్స్ భారీ చిత్రాన్ని నిర్మించారు.

ఆయ్: అంజి దర్శకత్వంలో నార్నే నితిన్ నటించిన 'ఆయ్' సినిమా బాక్సాఫీస్ వద్ద సెన్సేషన్ సృష్టించింది. యువ హీరో నార్నే నితిన్ తన రెండు చిత్రాలతో మ్యాడ్ మరియు ఆయ్ తో ఆకట్టుకునే ట్రాక్ రికార్డ్‌ను నెలకొల్పాడు. ఈ సినిమా యొక్క తెలుగు వెర్షన్ శాటిలైట్ రైట్స్ ని జీ తెలుగు మరియు జీ సినిమాలు ఛానల్ సొంతం చేసుకుంది. తాజాగా ఇప్పుడు ఈ సినిమా జీ తెలుగు ఛానల్ లో ఫిబ్రవరి 9న రాత్రి 10 గంటలకి స్మాల్ స్క్రీన్ పై ఎంట్రీ ఇవ్వటానికి సిద్ధంగా ఉన్నట్లు ఛానల్ ప్రకటించింది. ఈ సినిమాలో నయన్ సారిక మహిళా ప్రధాన పాత్రలలో నటించారు. ఈ చిత్రంలో అంకిత్ కొయ్య, రాజకుమార్ కసిరెడ్డి, వినోద్ కుమార్, మైమ్ గోపి మరియు ఇతరులు కీలక పాత్రల్లో నటిస్తున్నారు. బన్నీ వాస్ మరియు విద్యా కొప్పినీడి అల్లు అరవింద్ యొక్క గీతా ఆర్ట్స్ ఆధ్వర్యంలో ఈ చిత్రాన్ని నిర్మించారు. ఈ చిత్రానికి రామ్ మిరియాల మరియు అజయ్ అరసాద సంగీతం అందించారు.