ఛత్రపతి శివాజీ పాత్రలో రిషబ్ శెట్టి: అఫీషియల్ అనౌన్స్మెంట్
cinema | Suryaa Desk | Published : Wed, Feb 19, 2025, 04:25 PM
మరాఠా వీరుడు, ఛత్రపతి శివాజీ తనయుడు శంభాజీ జీవితం ఆధారంగా తెరకెక్కిన 'ఛావా' సినిమాకి ప్రేక్షకులు బ్రహ్మరథం పడుతున్నారు. హిందీ భాషలో రిలీజైన ఈ చిత్రానికి సౌత్ లోనే విశేష ఆదరణ లభిస్తోంది. సినిమా చూసిన జనాల ఎమోషనల్ వీడియోలు ప్రస్తుతం సోషల్ మీడియాలో వైరల్ అవుతున్నాయి. మరోవైపు ఛత్రపతి శివాజీ మహారాజ్ కథతో 'ది ప్రైడ్ ఆఫ్ భారత్: ఛత్రపతి శివాజీ మహారాజ్' అనే సినిమా రూపొందుతోన్న సంగతి తెలిసిందే. తాజాగా ఈ హిస్టారికల్ డ్రామా నుంచి ఓ స్పెషల్ అప్డేట్ వచ్చింది.కన్నడ హీరో రిషబ్ శెట్టి ప్రధాన పాత్రలో సందీప్ సింగ్ దర్శకత్వంలో 'ది ప్రైడ్ ఆఫ్ భారత్: ఛత్రపతి శివాజీ మహారాజ్' సినిమా తెరకెక్కుతోంది. తెలుగులో 'భారతదేశానికి గర్వకారణం: ఛత్రపతి శివాజీ మహారాజ్' అనే టైటిల్ ను ప్రకటించారు. నేడు (ఫిబ్రవరి 19) ఛత్రపతి శివాజీ జయంతి సందర్భాన్ని పురష్కరించుకొని, ఈ సినిమా నుంచి ఓ స్పెషల్ పోస్టర్ ను రిలీజ్ చేసారు. ఇందులో సింహ వాహనంపై కొలువు దీరిన దుర్గా భవాని అమ్మవారి విగ్రహం ముందు శివాజీ నిలబడి ఉన్నారు. ఇక్కడ రిషబ్ లుక్ ని రివీల్ చేయకుండా, కేవలం ఆయన బ్యాక్ సైడ్ లుక్ ని మాత్రమే చూపించారు.
|
|