ఏపీ హైకోర్టులో ఆర్జీవీకి ఊరట
cinema | Suryaa Desk | Published : Thu, Mar 06, 2025, 03:46 PM
డైరెక్టర్ రామ్ గోపాల్ వర్మకు హైకోర్టులో ఊరట లభించింది. సీఐడీ నమోదు చేసిన కేసుపై ఏపీ హైకోర్టు స్టే ఇచ్చింది. 2019లో విడుదలైన మూవీపై ఇప్పుడు ఫిర్యాదు చేయడం ఏంటని హైకోర్టు ప్రశ్నించింది. కాగా 2019లో ‘కమ్మ రాజ్యంలో కడప రెడ్లు’ మూవీ వివాదాస్పదంగా ఉందంటూ కూటమి నాయకులు ఫిర్యాదు చేసిన సంగతి తెలిసిందే.ఈ సినిమాలోని కొన్ని సన్నివేశాలు కొంతమంది వ్యక్తులను ఉద్దేశించి తీయడంతో పాటు విద్వేషాలు రెచ్చగొట్టేలా ఉన్నాయని ఫిర్యాదుల్లో పేర్కొన్నారు. ఆర్జీవీపై మంగళగిరి సమీపంలోని ఆత్మకూరుకు చెందిన బండారు వంశీకృష్ణ సీఐడీ పోలీసులకు కంప్లైంట్ చేశారు. ఈ ఫిర్యాదును స్వీకరించిన సీఐడీ పోలీసులు ఆర్జీవీకి నోటీసులు ఇవ్వడంతో పాటు విచారణకు హాజరుకావాలని కోరారు. అయితే సీఐడీ నోటీసులను సవాల్ చేస్తూ ఆర్జీవీ హైకోర్టును ఆశ్రయించారు. తనపై నమోదు చేసిన కేసును కొట్టేయాలని కోరుతూ హైకోర్టులో క్వాష్ పిటిషన్ దాఖలు చేశారు.
|
|