'రెట్రో' ఆడియో లాంచ్ ఎప్పుడంటే..!
cinema | Suryaa Desk | Published : Tue, Apr 08, 2025, 05:32 PM
తమిళ స్టార్ హీరో సూర్య ప్రస్తుతం 'రెట్రో' అనే పీరియడ్ డ్రామాతో ప్రేక్షకులని అలరించటానికి సిద్ధంగా ఉన్నారు. కార్తీక్ సుబ్బరాజ్ దర్శకత్వం వహిస్తున్న ఈ చిత్రంలో పూజా హెడ్జ్ మహిళా ప్రధాన పాత్రలో నటిస్తుంది. ఇటీవలే చిత్ర బృందం విడుదల చేసిన రెండు పాటలకి భారీ స్పందన లభించింది. లేటెస్ట్ రిపోర్ట్స్ ప్రకారం, మేకర్స్ ఈ సినిమా యొక్క ఆడియో లాంచ్ ఈవెంట్ ని ఏప్రిల్ 18న సాయిరామ్ ఇంజనీరింగ్ కాలేజీలో నిర్వహించటానికి ప్లాన్ చేస్తున్నట్లు ఫిలిం సర్కిల్ లో వార్తలు వినిపిస్తున్నాయి. రానున్న రోజులలో చిత్ర బృందం ఈ విషయాన్ని అధికారికంగా ప్రకటించనున్నారు. రెట్రోలో జోజు జార్జ్, జయరామ్, నాసర్, ప్రకాష్ రాజ్, కరుణకరన్, విద్యా శంకర్ ప్రముఖ పాత్రలలో ఉన్నారు. ఈ చిత్రం మే 1వ తేదీన తమిళం మరియు తెలుగులో ఒకేసారి థియేట్రికల్ విడుదల కోసం షెడ్యూల్ చేయబడింది. ఈ సినిమాలో నటి శ్రియా శరణ్ ప్రత్యేక పాటలో కనిపించనున్నారు. సాంకేతిక సిబ్బంది కెమెరాను శ్రేయాస్ కృష్ణ మరియు ఎడిటింగ్ షఫీక్ మహమ్మద్ అలీ హ్యాండిల్ చేస్తున్నారు. ప్రొడక్షన్ డిజైన్ టీమ్కు జాకీ నేతృత్వం వహిస్తున్నారు. ఈ చిత్రాన్ని స్టోన్ బెంచ్ ఫిలిమ్స్ మరియు 2D ఎంటర్టైన్మెంట్స్ సంయుక్తంగా నిర్మిస్తున్నాయి. సంతోష్ నారాయణన్ ఈ చిత్రానికి సంగీతం అందించారు.
|
|