ఓ రోజు మా డ్రైవర్ రాలేదు...నేనే కారు నడుపుకుంటూ
cinema | Suryaa Desk | Published : Fri, Aug 09, 2019, 12:31 PM
మతిమరుపు ఉన్నోళ్లు జ్ఞాపకశక్తి మందుకు ప్రచారం చేస్తే ఎలా ఉంటుంది. బాగోదు కదా అయితే నాయిక కాబట్టి నర్గీస్ ఫక్రీ ఏం చేసినా చెల్లుతోంది. బాలీవుడ్లో స్థిరపడిన విదేశీ సుందరి నర్గీస్ ఫక్రీకి చూపు మందం. దూరపు వస్తువులు కనిపించవు. మసమసకగా కనిపిస్తాయి. వైద్యులు పరీక్షించి కళ్లజోడు పెట్టుకోమని చెప్పారట. అయితే తన అందానికి అద్దాలు అడ్డమని అడ్డంగా తలవూపి పెట్టుకోనని చెప్పింది. ఈ నర్గీస్ ఇప్పుడు ఓ లెన్స్ కంపెనీకి ప్రచారకర్తగా వ్యవహరిస్తోంది. కళ్లద్దాలు పెట్టుకోని నర్గీస్..మిగతా వాళ్లకు మాత్రం తనలా పెట్టుకోకుండా బాధపడకండి అంటూ సలహాలిస్తోంది. ఉదాహారణకు తన జీవితంలో జరిగిన ఘటననూ ఉదహరించింది. ఆమె చెబుతూ…ఓ రోజు మా డ్రైవర్ రాలేదు. నేనే కారు నడుపుకుంటూ వెళ్తున్నాను. ప్రయాణాల్లో జీపీఎస్ సహాయంతో ప్రయాణించడం అలవాటు. మ్యాప్స్ ఆన్ చేసి కారులో వెళ్తున్నాను. ఇంతలో నా ఫోన్ బ్యాటరీ అయిపోయింది. ఫోన్ స్విచ్ఛాఫ్ అయ్యింది. ఇక చేసేదే ముంది అనుకుంటూ…బోర్డులు చూసుకుంటూ నెమ్మ దిగా కారు నడుపుతున్నాను. దిగాల్సిన మలుపు దాటిపోయింది. అలాగే వెళ్లి తర్వాతి మలుపు తీసుకున్నాను. ఆ రోడ్డు తీరా జంతు ప్రదర్శనశాలకు తీసుకెళ్లింది. బాధతోనే నవ్వుకుంటూ ఎలా గోలా ఇంటికి తిరిగొచ్చా. అంటూ చెప్పుకుంది.
|
|