త్వరలో రివీల్ కానున్న 'హరి హర వీర మల్లు' రిలీజ్ డేట్
cinema | Suryaa Desk | Published : Wed, May 07, 2025, 02:05 PM
టాలీవుడ్ లో భారీ అంచనాలున్న సినిమాల్లో పవన్ కళ్యాణ్ నటించిన 'హరి హర వీర మల్లు' ఒకటి. జ్యోతికృష్ణ దర్శకత్వం వహించిన ఈ సినిమాలో నిధి అగర్వాల్ కథానాయికగా నటిస్తోంది. ఈ చిత్రం ప్రస్తుతం ప్రొడక్షన్లో ఉంది. ఈ చిత్రం రెండు భాగాలుగా విడుదల కానుంది. ఇటీవలే ఈ సినిమా షూటింగ్ పూర్తి చేసుకుంది. తాజాగా ఇప్పుడు మేకర్స్ త్వరలో ఈ సినిమా యొక్క రిలీజ్ డేట్ ని ప్రకటించనున్నట్లు ఫిలిం సర్కిల్ లో వార్తలు వినిపిస్తున్నాయి. ఈ చిత్రాన్ని మేకర్స్ మే 30న లేదా జూన్ 12న విడుదల చేయటానికి యోచిస్తున్నట్లు సమాచారం. రానున్న రోజుల మేకర్స్ ఈ విషయం పై క్లారిటీ ఇవ్వనున్నారు. ఈ చిత్రంలో బాబీ డియోల్, నిధి అగర్వాల్, విక్రమ్జీత్ విర్క్, నోరా ఫతేహి, నర్గీస్ ఫక్రీ, అనుపమ్ ఖేర్ మరియు ఇతర ప్రముఖ నటీనటులు కీలక పాత్రలు పోషిస్తున్నారు. సాంకేతిక బృందంలో సినిమాటోగ్రాఫర్ మనోజ్ పరమహంస, ప్రొడక్షన్ డిజైనర్ తోట తరణి ఉన్నారు. మెగా సూర్య ప్రొడక్షన్స్ పై AM రత్నం ఈ సినిమాని నిర్మిస్తున్నారు. లెజెండరీ కంపోజర్ ఎంఎం కీరవాణి సంగీతం మరియు నేపథ్య సంగీతం అందించారు.
|
|