ప్ర‌మోష‌న్ కార్యక్రమాలపై దృష్టి సారించిన ‘కన్నప్ప’

మంచు విష్ణు క‌థానాయ‌కుడిగా న‌టిస్తోన్న త‌న‌ డ్రీమ్ ప్రాజెక్ట్ చిత్రం ‘కన్నప్ప’. ఇప్ప‌టికే విడుదల కావాల్సిన ఈ మూవీ అనేక వాయిదాలు ప‌డుతూ జూన్ 27 రిలీజ్ అయ్యేందుకు సిద్ధ‌మైంది. ఇప్ప‌టికే విడుద‌ల చేసిన టీజ‌ర్స్ మంచి వ్యూస్ ద‌క్కించుకున్న‌ప్ప‌టీకీ బాగా ట్రోలింగ్‌కు గుర‌య్యాయి. ఆపై రిలీజ్ చేసిన శివ శివ శంభో పాట‌తో ఒక్క‌సారిగా ఈ సినిమాపై మంచి అటెన్ష‌న్ రావ‌డంతో ప్ర‌శంస‌లు సైతం ద‌క్కాయి. సినిమా విడుద‌ల ద‌గ్గ‌ర ప‌డుతుండంతో విష్ణు సినిమా ప్ర‌మోష‌న్ కార్య‌క్ర‌మాల‌పై దృష్టి సారించాడు. ఈ నేప‌థ్యంలో మే 8 నుంచి అమెరికాలో ప‌ర్య‌టించి క‌న్న‌ప్ప చిత్రం ప్ర‌చార కార్య‌క్ర‌మాలు స్టార్ట్ చేయ‌నున్నాడు.అయితే.. ఈ సినిమా నుంచి ఇప్ప‌టివ‌ర‌కు ప్ర‌ధాన తారాగణానికి సంబంధించి ఫ‌స్ట్ లుక్స్, గ్లిమ్స్ విడుద‌వ‌ల చేసిన మేక‌ర్స్ తాజాగా మేకింగ్ వీడియోను రిలీజ్ చేశారు. ఆ వీడియో సినిమాపై క్యూరియాసిటీని మ‌రింత‌గా పెంచేలా ఉంది. పూర్తిగా న్యూజిలాండ్‌లోనే షూటింగ్ జ‌రుపుకున్న ఈ చిత్రం విజువ‌ల్స్ చూస్తుంటే మైండ్‌బ్లోయింగ్‌లా ఉన్నాయి. సినిమా రూపొందించే విష‌యంలో వారు ప‌డిన క‌ష్టం తెలుస్తోంది. అయితే ఈ సినిమాకు ద‌ర్శ‌క‌త్వం వ‌హిస్తున్న‌ ముకేశ్ కుమార్ సింగ్ స్థానంలో మంచు విష్ణునే అంతా తానై చూసుకుంటున్న‌ట్లు క‌నిపిస్తోంది. ఇంకా మాట్లాడుకుంటే విష్ణునే సినిమాను డైరెక్ట్ చేసిన‌ట్లు అనిపిస్తోంది.అత్యంత ప్రతిష్టాత్మకంగా తెరకెక్కిన ఈ చిత్రంలో మోహన్ బాబు, అక్ష‌య్ కుమార్, ప్రభాస్, మోహన్ లాల్, శరత్ కుమార్, కాజల్ అగర్వాల్. ప్రీతి ముకుంద‌న్  వంటి భారీ తారాగణం ఉంది. అదే విధంగా విష్ణు మంచు తనయుడు అవ్రామ్ భక్త మంచు తిన్నడు పాత్రతో ఈ సినిమాతో వెండితెర ఎంట్రీ ఇవ్వబోతున్నాడు. కూతుర్లు అరియానా, వివియానా ఓ నృత్య‌రూప‌క పాట‌లో క‌నిపించ‌నున్నారు.