వాయిదా పడనున్న 'కింగ్డమ్' విడుదల
cinema | Suryaa Desk | Published : Sat, May 10, 2025, 01:13 PM
టాలీవుడ్ రౌడీ స్టార్ విజయ్ దేవరకొండ నటిస్తున్న 'కింగ్డమ్' సినిమాకి జెర్సీ ఫేమ్ గౌతమ్ తిన్నురి దర్శకత్వం వహిస్తున్నారు. ఈ చిత్రానికి కథ కూడా గౌతమ్ రాసుకున్నారు. ఈ పాన్-ఇండియన్ చిత్రం పై భారీ అంచనాలు ఉన్నాయి. మే 30, 2025న విడుదలకి సిద్ధంగా ఉన్న ఈ చిత్రం విడుదల ఇప్పుడు వాయిదా పడినట్లు సోషల్ మీడియాలో వార్తలు వస్తున్నాయి. నిన్న విజయ్ దేవరకొండ పుట్టినరోజు సందర్భంగా విడుదల చేసిన పోస్టర్ లో కూడా మేకర్స్ విడుదల తేదీని దృవీకరించారు. కానీ ఆన్లైన్ లో ఈ సినిమా వాయిదా పుకార్లు షికార్లు చేస్తున్నాయి కానీ మేకర్స్ ఈ విషయం పై క్లారిటీ ఇవ్వలేదు. రానున్న రోజులలో ఈ విషయం పై మేకర్స్ స్పందిస్తారో లేదో చూడాలి. ఈ చిత్రంలో భగ్యాశ్రీ బోర్స్ మహిళా ప్రధాన పాత్ర పోషిస్తుంది. కొంతకాలంగా నిర్మాణ దశలో ఉన్న ఈ చిత్రంలో విజయ్ స్పై ఏజెంట్గా కనిపించనున్నారు. ఈ చిత్రంలో నవ్య స్వామి, సత్య దేవ్ కీలక పాత్రలో నటిస్తున్నారు. ఈ సినిమా రెండు భాగాలుగా విడుదల కానుంది. శ్రీకర స్టూడియోస్ సమర్పణలో సితార ఎంటర్టైన్మెంట్స్, ఫార్చూన్ ఫోర్ సినిమాస్ సంయుక్తంగా ఈ చిత్రాన్ని నిర్మిస్తున్నాయి. అనిరుద్ రవిచందర్ ఈ చిత్రానికి సంగీతాన్ని అందిస్తున్నారు.
|
|