'ఓ భామా అయ్యో రామా' లోని రామ చంద్రుడే సాంగ్ కి భారీ స్పందన
cinema | Suryaa Desk | Published : Mon, May 19, 2025, 02:28 PM
రామ్ గోధాలా దర్శకత్వంలో టాలీవుడ్ టాలెంటెడ్ నటుడు సుహాస్ ఒక చిత్రాన్ని ప్రకటించిన సంగతి అందరికి తెలిసిందే. ఈ చిత్రానికి మూవీ మేకర్స్ 'ఓ భామా అయ్యో రామా' అనే టైటిల్ ని లాక్ చేసారు. ఇటీవలే మేకర్స్ ఈ రొమాంటిక్ కామెడీ సినిమాలోని సెకండ్ సింగల్ ని రామ చంద్రుడే అనే టైటిల్ తో విడుదల చేసారు. తాజాగా ఇప్పుడు ఈ సాంగ్ 2.5 మిలియన్ వ్యూస్ తో యూట్యూబ్ మ్యూజిక్ లో ట్రేండింగ్ లో ఉన్నట్లు చిత్ర బృందం ప్రకటించింది. ఈ విషయాన్ని తెలియజేసేందుకు మూవీ మేకర్స్ సోషల్ మీడియాలో సరికొత్త పోస్టర్ ని విడుదల చేసారు. ఈ చిత్రంలో సుహాస్ కి జోడిగా మాళవిక మనోజ్ నటిస్తుంది. అనితా హస్సానందని, ప్రభాస్ శ్రీను మరియు అలీ,రవీందర్ విజయ్, బబ్లూ పృథివీరాజ్, రఘు కారుమంచి, మోయిన్, సాథ్విక్ ఆనంద్ మరియు నాయని పావని ఈ చిత్రంలో కీలక పాత్రలలో నటిస్తున్నారు. సాంకేతిక బృందంలో రాధన్ సంగీత దర్శకుడిగా, మణికందన్ ఎస్ ఛాయాగ్రహణం, భవిన్ షా ఎడిటింగ్, బ్రహ్మ కడలి ఆర్ట్ డైరెక్టర్గా ఉన్నారు. వి ఆర్ట్స్ పతాకంపై హరీష్ నల్లా ఈ సినిమాని నిర్మిస్తున్నారు. ఈ సినిమా విడుదల తేదీని మేకర్స్ త్వరలో ప్రకటించనున్నారు.
|
|