ఓవర్సీస్ పార్టనర్ ని లాక్ చేసిన 'భైరవం'

విజయ్ కనకమేడల దర్శకత్వంలో టాలీవుడ్ నటుడు బెల్లంకొండ సాయి శ్రీనివాస్ 'భైరవం' సినిమా చేస్తున్న సంగతి అందరికి తెలిసిందే. ఈ సినిమాలో అతిధి శంకర్ మహిళా ప్రధాన పాత్రలో నటిస్తుంది. ఈ సినిమాలో బెల్లంకొండ శ్రీనివాస్‌తో పాటు మంచు మనోజ్ మరియు నారా రోహిత్ కూడా ముఖ్యమైన పాత్రల్లో నటించారు. ఈ చిత్రం నుండి ఇప్పటివరకు విడుదలైన ప్రమోషనల్ కంటెంట్ మూవీ పై భారీ బజ్ ని క్రియేట్ చేసింది. తాజాగా చిత్ర బృందం ఈ సినిమా యొక్క ఓవర్సీస్ రైట్స్ ని ప్రత్యంగిరా సినిమాస్ బ్యానర్ సొంతం చేసుకున్నట్లు ప్రకటించింది. ఈ విషయాన్ని తెలియజేసేందుకు చిత్ర బృందం సోషల్ మీడియాలో సరికొత్త పోస్టర్ ని విడుదల చేసింది. ఈ సినిమాలో దివ్య పిళై, ఆనంది, ప్రముఖ దర్శకుడు సందీప్ రాజ్, అజయ్, శరత్, జయసుధ, సంపత్ రాజ్, గోపరాజు రమణ ముఖ్య పాత్రలలో కనిపించనున్నారు. ఈ చిత్రానికి సంభాషణలు సత్యర్షి మరియు తూమ్ వెంకట్ అందించగా, భాస్కర భట్ల, కాసర్ల శ్యామ్, చైతన్య ప్రసాద్, బాలాజీ మరియు తిరుపతి సాహిత్యం అందించారు. యాక్షన్‌తో కూడిన సన్నివేశాలకు ఫైట్ మాస్టర్స్ రామకృష్ణ మరియు నటరాజ్ మాడిగొండ కొరియోగ్రఫీ చేస్తున్నారు. పెన్ స్టూడియోస్‌కు చెందిన డాక్టర్ జయంతిలాల్ గదా ఈ చిత్రాన్ని సమర్పిస్తున్నారు. శ్రీ సత్యసాయి ఆర్ట్స్‌ బ్యానర్ పై ఈ సినిమాని నిర్మిస్తున్నారు. సాంకేతిక బృందంలో సినిమాటోగ్రాఫర్ హరి కె వేదాంతం, మ్యూజిక్ కంపోజర్ శ్రీ చరణ్ పాకాల, ఎడిటర్ ఛోటా కె ప్రసాద్, ప్రొడక్షన్ డిజైనర్ బ్రహ్మ కడలి ఉన్నారు. ఈ సినిమా మే 30న విడుదల కానుంది. ఈ చిత్రం తమిళ బ్లాక్‌బస్టర్ గరుడన్ యొక్క అధికారిక తెలుగు రీమేక్‌.