by Suryaa Desk | Tue, Dec 24, 2024, 07:04 PM

దేశవ్యాప్తంగా సంచలనం రేపిన ఆర్జీ కార్ హత్యాచార కేసులో తాజగా ఫారెన్సిక్ రిపోర్టు వచ్చింది. అయితే ఇందులోని విషయాలు చూస్తే మాత్రీ అంతా షాక్ అవ్వాల్సిందే. ముఖ్యంగా ఈ కేసులో నిందితుడు.. బాధితురాలని తీవ్రంగా హింసించి మరీ అత్యాచారం చేశాడు. ఆపై ఇష్టమొచ్చినట్లుగా కొడుతూ హత్య చేశాడు. ఇంత జరిగిన ఈ కేసులో.. క్రైమ్ సీన్‌లో ఎలాంటి పెనుగులాట జరిగినట్లు లేదని ఫోరెన్సిక్ రిపోర్టు తెలిపింది. ముఖ్యంగా అక్కడ పెనుగులాటకు సంబంధించి ఎలాంటి ఆధారాలు లభించలేదని తెలిపింది. దీంతో అంతా షాక్ అవుతున్నారు.

ఆగస్టు 9వ తేదీన నార్త్ కోల్‌కతాలోని ఆర్జీ ప్రభుత్వ ఆస్పత్రిలో విధులు నిర్వహిస్తున్న ఓ ట్రైనీ వైద్యురాలిపై హత్యాచారం జరిగింది. ఈ విషయం వెలుగులోకి వచ్చిన వెంటనే బాధితురాలి మృతదేహాన్ని పోస్టుమార్టం నిమిత్తం ఆస్పత్రికి తరలించారు. ఇలా ఆమె పోస్టుమార్టం నివేదికలో.. షాకింగ్ విషయాలు వెలుగులోకి వచ్చాయి. ముఖ్యంగా ఆమె ప్రైవేటు భాగాల్లోంచి బ్లీడింగ్ అయినట్లు, శరీరంలోని అనేక భాగాలపైన గాయాల గుర్తులు ఉన్నట్లు తేలింది. కానీ ఇందుకు షాకింగ్ ఫోరెన్సిక్ నివేదిక ఉండడం గమనార్హం.

తాజాగా వచ్చిన ఫోరెన్సిక్ నివేదికలో.. క్రైమ్ సీన్‌లో ఎలాంటి పెనుగులాట జరగలేదని, అందుకు సంబంధించిన ఎలాంటి ఆధారాలు తమకు దొరకలేదని స్పష్టం చేసింది. ఢిల్లీలోని CFCLకు చెందిన నిపుణులు ఆగస్టు 14వ తేదీన ఆసుపత్రిని పరిశీలించారు. ట్రైనీ వైద్యురాలిపై దాడి జరిగినట్లు చెబుతున్న సెమినార్ హాల్లోని పరుపు సహా నేరారోపణ జరిగిన ప్రదేశం నుంచి నమూనాలను సేకరించారు.

అయితే ఈ పరుపుపై ఉన్నది బాధితురాలేనని ఫోరెన్సిక్ నిపుణులు చెబుతున్నారు. ఆమె శరీరం.. ఆ పరుపుపై ఉన్న కట్ మార్కులకు సమానంగా సరిపోయిందని.. ఆమె ఆ ప్రాంతంలో పడుకున్నట్లు సరైన ఆధారాలు దొరికినట్లు వివరించారు. కానీ నిందితుడు దాడికి పాల్పడుతుండగా.. బాధితురాలు ప్రతిఘటించినట్లు గానీ, వారిద్దరి మధ్య పెనుగులాట జరిగినట్లు కానీ ఎలాంటి ఆధారాలు కనిపించలేదని స్పష్టం చేశారు. హాల్ మొత్తంలో అలాంటి ఆధారాలు ఎక్కడా దొరకలేవని వెల్లడించారు.

దీంతో ప్రజలు అంతా షాక్ అవుతున్నారు. హత్యాచార బాధితురాలు ప్రతిఘటించకపోవడం ఏంటని, అసలు అత్యాచారం అక్కడే జరిగిందా లేదా అనే అనుమానాలను వ్యక్తం చేస్తున్నారు. మరోవైపు ఇటీవలే ఈ కేసులో కీలక నిందితులుగా ఉన్న ఇద్దరికి హైకోర్టు బెయిల్ మంజూరు చేసింది. దీంతో కోల్‌కతాలోని వైద్యులు అంతా పది రోజుల పాటు నిరసనలు చేపడుతున్నారు. మరో రెండ్రోజుల పాటు ఈ ధర్నాలు కొనసాగనున్నాయి.