by Suryaa Desk | Sat, Jan 25, 2025, 03:28 PM

శ్రీకాకుళం జిల్లా పోలీసు నూతన వెబ్‌సైట్‌ను శుక్రవారం పోలీసు కార్యాలయంలో ఎస్పీ కె.వి.మహేశ్వరరెడ్డి ఆవిష్కరించారు. ఒక్క క్లిక్‌తో జిల్లా పోలీసు శాఖ మొత్తం సమాచారం అందుబాటులోకి వస్తుందని తెలిపారు. దీని సహాయంతో జిల్లాలో ప్రజలకు పోలీసు సేవలు మరింత చేరువవుతాయన్నారు. ఈ వెబ్‌సైట్‌లో పోలీసు అధికారుల పేర్లు, ఫోన్‌ నెంబర్లు, అత్యవసర సమయంలో ఉపయోగపడే నెంబర్లు, ఇతర పోలీసు సేవలు, అందుబాటులో ఉంటాయని వెల్లడించారు. కంచిలి మండలం కేసరపడకు చెందిన బీటెక్‌ విద్యార్థి కొరికాన నవీన్‌ ఈ వెబ్‌సైట్‌ను రూపొందిచారని తెలిపారు. నవీన్‌తోపాటు వెబ్‌సైట్‌ రూపకల్పనకు సహకరించిన శ్రీకాకుళం ఎన్‌ఐసీ సెంటర్‌ డిప్యూటీ డైరెక్టర్‌ కిరణ్‌, పోలీసు ఐటీ కోర్‌ సీఐ శ్రీనివాస్‌, ఏఎస్‌ఐ రమేష్‌లను అభినందించారు. కార్యక్రమంలో ఏఎస్పీ కె.వి.రమణ, సిబ్బంది పాల్గొన్నారు.