by Suryaa Desk | Wed, Mar 26, 2025, 11:32 PM

​ఫేస్‌మాస్క్.. ముఖంపై ఉన్న సమస్యల్ని దూరం చేయడంలో ఫేస్‌మాస్క్ హెల్ప్ చేస్తుంది. దీనిని సీజన్‌ని బట్టి మారుస్తుండాలి. దీంతో స్కిన్‌పై వచ్చే సమస్యల్ని తగ్గించుకున్నవారవుతాం. చియా సీడ్స్‌లో ప్రోటీన్, ఫైబర్, మినరల్స్, విటమిన్స్, హెల్దీ ఫ్యాట్స్ ఉంటాయి. వీటి వల్ల యాక్నే, ఇన్‌ఫ్లమేషన్ వంటి సమస్యల నుంచి స్కిన్‌ని కాపాడుకున్నవారవుతాం. అయితే, చియా సీడ్స్‌తో ముఖాన్ని మెరిపించాలంటే ఏమేం యాడ్ చేయాలో తెలుసుకోండి.

ఆల్మండ్ ఆయిల్, లెమన్ ఫేస్ మాస్క్

ఈ ఫేస్ మాస్క్ కాంబినేషన్ కూడా స్కిన్ టెక్చర్‌ని పెంచుతుంది. దీనికోసం సగం చెక్క నిమ్మరసం, 2 టేబుల్ స్పూన్ల చియా సీడ్స్, అర టేబుల్ స్పూన్ బాదం నూనె వేసి బాగానానబెట్టి. దీనిని రాత్రుళ్లు అప్లై చేసి రాత్రంతా అలానే ఉంచి ఉదయాన్నే నీటితో క్లీన్ చేయాలి. అదే విధంగా, ముఖం ఎర్రబడడం వంటి సమస్యల్ని తగ్గించేందుకు 2 టేబుల్ స్పూన్ల చియాసీడ్స్‌ని కొన్ని పాలు, 2 ముక్కల బీట్‌రూట్ వేసి బ్లెండ్ చేయాలి. దీనిని పేస్టులా అయ్యాక ముఖానికి అప్లై చేయాలి. 20 నిమిషాల తర్వాత క్లీన్ చేయాలి.

విటమిన్ ఈ ఆయిల్, టమాట జ్యూస్

రేడియెంట్, ప్లంప్ స్కిన్ కావాలంటే ఇలా చేయండి. చియా సీడ్స్‌ని టమాట జ్యూస్, విటమిన్ ఈ ఆయిల్‌తో కలిపి ముఖానికి అప్లై చేయండి. దీనిని 30 నిమిషాల పాటు ఉంచి తర్వాత గోరువెచ్చని నీటితో క్లీన్ చేసుకోండి. స్కిన్ మెరిసేందుకు ఈ ఫేస్‌మాస్క్ హెల్ప్ చేస్తుంది.

తేనె, ఆలివ్ ఆయిల్

చియాసీడ్స్, తేనె, ఆలివ్ ఆయిల్ మూడింటి కాంబినేషన్ మొటిమలు, మొటిమల మచ్చలకి చాలా బాగా హెల్ప్ చేస్తాయి. వీటిని వాడడం వల్ల స్కిన్ మాయిశ్చర్‌గా అందంగా మారుతుంది. దీనికోసం 1 టీ స్పూన్ తేనె, 2 టేబుల్ స్పూన్ల చియాసీడ్స్, 1 టీ స్పూన్ ఆలివ్ ఆయిల్.. మూడింటిని బాగా కలపండి. వీటిని ముఖానికి రబ్ చేయండి. 15 నిమిషాల తర్వాత ముఖాన్ని చల్లని నీటితో క్లీన్ చేసుకోండి. దీని వల్ల ఓపెన్ పోర్స్ కూడా తగ్గుతాయి.

నిమ్మ, కొబ్బరి నూనెతో

చియాసీడ్స్, కొబ్బరినూనె, నిమ్మరసం మూడు కూడా స్కిన్‌ని సాఫ్ట్ అండ్ హెల్దీగా చేయడంలో హెల్ప్ చేస్తాయి. డెడ్ స్కిన్‌ని దూరం చేసి స్కిన్‌ని కాపాడుతుంది. దీనికోసం 2 టేబుల్ స్పూన్ల చియా సీడ్స్‌ని ఓ టేబుల్ స్పూన్ నిమ్మరసం, అరకప్పు కొబ్బరి నూనెతో కలపాలి. 15 నిమిషాల తర్వాత దీనిని క్లీన్ చేసుకున్న ముఖానికి రాసి అరగంట పాటు ఉంచి ఆ తర్వాత క్లీన్ చేసుకోవాలి. నిమ్మరసం లేకుండా కేవలం కొబ్బరినూనెతో కూడా కలిపి వాడొచ్చు. దీనికోసం 2 టేబుల్ స్పూన్ల కొబ్బరినూనెలో ఓ స్పూన్ నానబెట్టిన చియాసీడ్స్‌ని కలపాలి. దీనిని ముఖానికి అప్లై చేయాలి. 15 నిమిషాల పాటు ఉంచి తర్వాత క్లీన్ చేసుకోవాలి.

చియా సీడ్స్ మిల్క్

మీకు కొరియన్ గ్లాసీ స్కిన్ కావాలంటే చియాసీడ్స్‌ని ఎలా ముఖానికి అప్లై చేయాలో తెలుసుకోండి. దీనికోసం 2 టీ స్పూన్ల చియా సీడ్స్‌ని అరకప్పు పచ్చి పాలలో కలపాలి. అరగంట పాటు అలానే ఉంచండి. ఇవి చిక్కని పేస్టులా మారిన తర్వాత దీనిని ముఖం క్లీన్ చేసుకుని ముఖానికి రాయండి. దీంతో మెరిసే స్కిన్ మీ సొంతమవుతుంది.

వాడే ముందు

చియా సీడ్స్ వాడడం వల్ల స్కిన్‌కి ఎలాంటి ప్రాబ్లమ్ ఉండదు. కానీ, ఎప్పుడైనా ప్యాచ్ టెస్ట్ చేయడం మంచిది. అదే విధంగా, రాసేటప్పుడు కళ్ల చుట్టూ రాయకూడదు. మీకు చర్మం ఎర్రబడడం, ఇరిటేషన్ ఉంటే రాయొద్దు. అదే విధంగా, ఈ ప్యాక్స్ వేశాక సన్‌స్క్రీన్, మాయిశ్చరైజర్ రాయడం మరువొద్దు. గమనిక :ఇది సాధారణ సమాచారం కోసం మాత్రమే. ఇది ఏ విధంగానూ ఏ మెడిసిన్ లేదా చికిత్సకు ప్రత్యామ్నాయం కాదు. వీటిని పాటించేముందు మరింత సమాచారం కోసం ఎల్లప్పుడూ మీ వైద్యుడిని సంప్రదించండి. తెలుగు సమయం ఈ విషయాల్ని ధృవీకరించడం లేదు. ఖచ్చితత్వం, ప్రభావానికి తెలుగు సమయం బాధ్యత వహించదు.