by Suryaa Desk | Sat, Jan 03, 2026, 11:17 PM

​జీర్ణ వ్యవస్థ పాడైందంటే ఆ ఎఫెక్ట్ అక్కడితోనే ఆగదు. మొత్తం శరీర వ్యవస్థనే దెబ్బతీస్తుంది. కాబట్టి, ముందునుంచీ జాగ్రత్తగా ఉండడం, జీర్ణ వ్యవస్థని కాపాడుకోవడం చేయాలి. మనం ఎంత జాగ్రత్తగా ఉన్నా కొన్నిసార్లు సరిగ్గా జీర్ణమవ్వదు ఆహారం. అలాంటప్పుడు మనం మెడిసిన్ తీసుకుని వేసుకోవడం కంటే ఇంట్లోని పదార్థాలని చిట్కాలుగా వాడొచ్చు. దీని వల్ల జీర్ణ సమస్యలు చాలా వరకూ దూరమవుతాయి. కడుపులో కూడా ప్రశాంతంగా ఉంటుంది. అయితే, డైజెస్టివ్ హెల్త్ బాగుండేందుకు మన లైఫ్‌స్టైల్ కూడా కీ రోల్ పోషిస్తుంది. ఎప్పుడైతే మనం సరైన ఆహారం, మంచి నిద్ర, ఒత్తిడి లేని లైఫ్‌ని లీడ్ చేస్తామో అప్పుడే మనక జీర్ణ వ్యవస్థ సక్రమంగా పనిచేస్తుంది. అయితే, ఎన్ని జాగ్రత్తలు తీసుకున్నప్పటికీ కొన్నిసార్లు ఇబ్బంది వస్తుంది. అలాంటప్పుడు ఓ చక్కని రెమిడి పనిచేస్తుందని ఆయుర్వేద ఎక్స్‌పర్ట్ అనిసెంట్ అంటున్నారు.

రెమిడీకి కావాల్సిన పదార్థాలు

టేబుల్ స్పూన్ పెరుగు

1 టీస్పూన్ వేయించిన జీలకర్ర పొడి

అరటీస్పూన్ రాళ్ళ ఉప్పు

అరటీస్పూన్ అల్లం పొడి

1 కప్పు గోరువెచ్చని నీరు

ఏం చేయాలి?

ముందుగా ఓ గ్లాసులో పెరుగు, జీలకర్ర పొడి, ఉప్పు, అల్లం పొడి వేసి బాగా కలపాలి. పదార్థాలన్నీ కలిశాక గోరువెచ్చని నీటిని యాడ్ చేయాలి. అంతే మీ డ్రింక్ సిద్ధంగా ఉన్నట్టే. దీనిని మనం భోజనం చేశాక 15 నిమిషాలకి తాగాలి. జీర్ణ సమస్యలు ఎక్కువగా ఉంటే రెగ్యులర్‌గా తాగి చూడండి. మీకే తేడా తెలుస్తుంది.

డ్రింక్‌ తాగితే లాభాలు

ఇప్పుడు చెప్పిన డ్రింక్ తాగడం వల్ల జీర్ణక్రియకి అవసరమైన అగ్ని రగులుతుంది. అమాని అంటే బాడీలో టాక్సిన్స్ పేరుకుపోకుండా ఉంటాయి. ఉబ్బరం, బరువు, గ్యాస్ తగ్గుతుంది. భోజనం తర్వాత అనిపించే హెవీనెస్ ఉండదు. జీవక్రియ చక్కబడుతుంది.

మెడిసిన్ కంటే ఎందుకు బెటర్

ఈ డ్రింక్ తాగడం వల్ల జీర్ణ సమస్యలు దూరమవుతాయి. మెడిసిన్స్ తీసుకున్నప్పుడు ఆటోమేటిగ్గా కొన్ని సైడ్‌ఎఫెక్ట్స్ ఉంటాయి. కానీ, ఈ డ్రింక్ ఎలాంటి సైడ్ ఎఫెక్ట్స్ లేకుండానే పనిచేస్తుంది. పైగా ఇది అలవాటుగా మారదు. అన్నీ కూడా మనం ఆహారంలో వాడేవే. కాబట్టి, దీనిని చక్కగా తీసుకోవచ్చు. ఓ మజ్జిగలా ప్రిపేర్ చేసి తాగేయొచ్చు.

ఈ జాగ్రత్తలు కూడా

అయితే, సమస్య రాకుండా ముందునుంచే కొన్ని జాగ్రత్తలు కూడా తీసుకోవాలి. ఒకేసారి హెవీ ఫుడ్ తీసుకోవద్దు. తిన్న ఆహారాన్ని కూడా చక్కగా నమిలి తినాలి. ఆహారం, ఆహారానికి ఎక్కువగా గ్యాప్ ఉండకుండా చూడాలి. ఆకలిగా అనిపించినప్పుడు ఏదైనా పండ్లు తినడం మంచిది. అంతేకానీ, జంక్ జోలికి వెళ్లొద్దు. రెగ్యులర్‌గా జంక్ తింటే అందులోని ఆయిల్స్, ఉప్పు, కారాలు మీ హెల్త్‌పై నెగెటీవ్ ఎఫెక్ట్స్‌ని చూపిస్తాయి.