by Suryaa Desk | Sat, Jan 03, 2026, 11:16 PM

​బరువు తగ్గాలంటే అన్నాన్ని పూర్తిగా అవాయిడ్ చేయాల్సిన అవసరం లేదు. కొద్దిగా బ్యాలెన్స్‌డ్‌గా తింటే చాలు. మనం తీసుకునే అన్నాన్నే బ్యాలెన్స్ చేయాలి. దీనికోసం ఆహారాన్ని సరైన విధంగా ప్లాన్ చేయాలి. కొంతమంది అలా కాకుండా అన్నం బదులు అప్పటి వరకూ ఎక్కువగా తినని క్వినోవా, మిల్లేట్స్ తింటుంటారు. కానీ, అలా కాకుండా అన్నం తింటూనే ఫ్యాట్ లాస్ ఎలా అవ్వాలో చెబుతున్నారు ఫిట్‌నెస్ కోచ్ శ్రావణ్. ఆ వివరాలేంటో తెలుసుకుందాం.

బాడీలో ఫ్యాట్ పెరిగితే

బాడీలో ఫ్యాట్ పెరిగితే ఆటోమేటిగ్గా వెయిట్ పెరుగుతాం. అంతేనా, దానికి తోడు ఇతర ఆరోగ్య సమస్యలు, ప్రాణాలకే ప్రమాదకరంగా మారే గుండె జబ్బుల వంటివి కూడా వస్తాయి. అలా రాకుండా ఉండాలంటే ముందుగా బాడీ ఫ్యాట్‌ని తగ్గించుకోవాలి. అంటే మన బరువుని కూడా తగ్గించుకోవాలి. దీనికోసం అన్నాన్ని పూర్తిగా మానాల్సిన అవసరం లేదు. దాని బదులు, బ్యాలెన్స్‌డ్‌గా తినాలి.

బ్యాలెన్స్‌డ్‌గా తినడం అంటే

బ్యాలెన్స్‌డ్ అంటే మనం తినే ఆహారంలో అన్నీ ఉండేలా చూసుకోవాలి. ప్రోటీన్, ఫైబర్, కార్బోహైడ్రేట్స్ ఇలా అన్నీ పోషకాలు ఉన్నప్పుడే అది బ్యాలెన్స్‌డ్ డైట్ అవుతుంది. కానీ, చాలా మంది దీనిని నెగ్లెక్ట్ చేస్తారు. కేవలం కార్బోహైడ్రేట్స్ ఎక్కువగా తింటారు. వీటి వల్ల త్వరగా బరువు పెరుగుతాం. కార్బోహైడ్రేట్స్ త్వరగా జీర్ణమవుతాయి. దీంతో త్వరగా ఆకలి అవుతుంది. మళ్లీ త్వరగా బోజనం చేస్తాం. అలా కాకుండా, ప్రోటీన్, ఫైబర్ ఎక్కువగా తింటే కడుపు నిండుగా ఉంటుంది.

ప్రోటీన్, ఫైబర్ కోసం

మనం మన ప్లేట్‌ని ప్రోటీన్, ఫైబర్, కార్బోహైడ్రేట్స్ సమానంగా ఉండేలా చూసుకోవాలి. ఫైబర్ కోసం కూరగాయలు, ఆకుకూరలు తీసుకోవచ్చు. ప్రోటీన్ కోసం గుడ్లు, చికెన్, పప్పుల వంటివి తీసుకోవచ్చు. వీటితోపాటు అన్నం తీసుకోవాలి.

కేవలం అన్నం

చాలా మంది చేసే మిస్టేక్ అన్నం ఎక్కువగా కూరలు తక్కువగా తీసుకుంటారు. దీని వల్ల మీ బాడీకి ఎక్కడ ప్రోటీన్, ఫైబర్ అందుతుంది. అలా కాకుండా కూరగాయలు, ఆకుకూరలు, పప్పులు ఎక్కువగా తీసుకుని అన్నాన్ని తక్కువగా తీసుకోవాలి. దీంతో మన కడుపు త్వరగా నిండుతుంది. ఎక్కువగా అన్నం తినం.

నీరు కూడా ముఖ్యమే

ఇక్కడ మరో విషయం చెప్పాలంటే మనం ప్రోటీన్, ఫైబర్ తీసుకున్నంత మాత్రాన సరిపోదు. వాటిని బయటికి పంపడానికి సరిపడా నీరు కూడా తీసుకోవాలి. ఎప్పుడైతే నీరు ఎక్కువగా తీసుకుంటామో అప్పుడే మనం తీసుకున్న ఆహారం సరిగా జీర్ణమై వ్యర్థాలన్నీ బయటికి వెళ్లిపోవడానికి హెల్ప్ అవుతుంది.

బాడీలోని ఫ్యాట్ కరిగించే డైట్

​పోషకాలు కూడా

వీటితో పాటు మీకు పండ్లు, మిల్లేట్స్, నట్స్ వంటివి తీసుకోవాలి. అంతేకానీ, మొత్తంగా అన్నాన్ని మానేయకుండా కొద్దిగా అన్నం, పప్పులు, కూరగాయలు, నట్స్, సీడ్స్ తీసుకోవడం అలవాటు చేసుకోండి. ఇవన్నీ కూడా మీ బాడీలోని ఫ్యాట్ కరగడమే కాకుండా బరువు తగ్గుతారు. పైగా బాడీకి అన్నీ పోషకాలు అందుతాయి.