by Suryaa Desk | Sat, Jan 31, 2026, 03:02 PM

పాకిస్థాన్ తీవ్ర ఆర్థిక ఇబ్బందుల్లో కొట్టుమిట్టాడుతున్న నేపథ్యంలో, ప్రధాని షెహబాజ్ షరీఫ్, ఫీల్డ్ మార్షల్ అసిమ్ మునీర్ తో కలిసి మిత్రదేశాల వద్ద రహస్యంగా అప్పులు అభ్యర్థించినట్లు వెల్లడించారు. ఇస్లామాబాద్ లో జరిగిన ఓ కార్యక్రమంలో మాట్లాడుతూ, ఇలా అప్పులు అడగడం సిగ్గుగా, జాతీయ ఆత్మగౌరవాన్ని తగ్గించేదిగా ఉందన్నారు. అప్పులు ఇచ్చేవారు ఏమి డిమాండ్ చేసినా కాదనలేని పరిస్థితి ఉంటుందన్నారు. చైనా, సౌదీ అరేబియా, ఖతార్, యుఏఈ వంటి దేశాలకు కృతజ్ఞతలు తెలిపారు. పెరుగుతున్న నిరుద్యోగం, నెమ్మదిగా ఎగుమతి వృద్ధి వంటి సవాళ్లను అంగీకరించిన ప్రధాని, అక్రమ రవాణాను అరికట్టడానికి, అనవసరపు ఖర్చులను తగ్గించడానికి కృషి చేస్తున్నట్లు తెలిపారు.