by Suryaa Desk | Thu, Feb 12, 2026, 11:28 AM

కూట‌మి పాల‌న‌లో రైతుల‌కు స‌కాలంలో ఎరువులు, విత్త‌నాలు ల‌భించ‌డం లేద‌ని, వారి బాధ‌లు వ‌ర్ణ‌ణాతీత‌మ‌ని మాజీ మంత్రి కాకాణి గోవ‌ర్ధ‌న్‌రెడ్డి అన్నారు. సర్వేపల్లి నియోజకవర్గం, పొదలకూరు మండలంలోని మొగుళ్లూరు గ్రామం, మనుబోలు మండలంలోని కట్టువపల్లి, మడమనూరు, గొట్లపాలెం గ్రామాలలో కాకాణి గోవ‌ర్ధ‌న్‌రెడ్డి బుధ‌వారం ప‌ర్య‌టించారు. ఈ సంద‌ర్భంగా రైతుల‌తో మాట్లాడి వారి స‌మ‌స్య‌లు అడిగి తెలుసుకున్నారు. అనంత‌రం ఆయ‌న మీడియాతో మాట్లాడుతూ.. రైతుల‌కు యూరియా లభించకపోవడం వల్ల తీవ్ర ఇబ్బందులు ఎదుర్కొంటున్నార‌ని తెలిపారు.  టీడీపీ నేతలు యూరియాను వ్యక్తిగత ప్రయోజనానికి సొమ్ముగా బ్లాక్ మార్కెట్‌లో విక్రయించడం దుర్మార్గం. సోమిరెడ్డి ఇరిగేషన్‌లో పనులు చేయకుండా దోపిడీ; యూరియాను బ్లాక్‌లో అమ్మి సొమ్ము చేసుకుంటున్నారు.  రైతులకు పంటకు కనీస మద్దతు ధర ఇవ్వడం ప్రభుత్వ బాధ్యత.  ప్రభుత్వానికి ధాన్యం కొనుగోలు కేంద్రాలు తెరుచుకుని పంటలను రైతుల దగ్గర నుంచే కొనుగోలు చేయడం తప్పనిసరి.  వైయ‌స్ఆర్ కాంగ్రెస్ పార్టీ, రైతులపై అండగా నిలుస్తూ, సమస్యలు పరిష్కరించేందుకు పోరాడుతుంది అని తెలిపారు.