by Suryaa Desk | Thu, Feb 12, 2026, 03:53 PM

లోక్‌సభలో కాంగ్రెస్ అగ్రనేత రాహుల్ గాంధీ సభ్యత్వాన్ని రద్దు చేయాలంటూ బీజేపీ ఎంపీ నిషికాంత్ దూబే స్పీకర్‌కు స్వతంత్ర తీర్మానం నోటీసు ఇచ్చారు. భారత పార్లమెంటరీ చరిత్రలో అరుదుగా వినిపించే ఈ తీర్మానం, అత్యంత ప్రాముఖ్యత కలిగిన అంశాలను చర్చకు తెచ్చేందుకు ఉపయోగిస్తారు. ఇది ప్రభుత్వం తరపున కాకుండా ఒక ఎంపీ వ్యక్తిగత హోదాలో స్పీకర్‌కు ప్రతిపాదన పంపేది. స్పీకర్ అనుమతిస్తే, దీనిపై సభలో చర్చ జరిగి, ఓటింగ్ కూడా జరిగే అవకాశం ఉంది. బీజేపీ దీనిని రాహుల్ గాంధీ నిబంధనల ఉల్లంఘనగా భావిస్తుండగా, కాంగ్రెస్ దీనిని విపక్షాల గొంతు నొక్కే ప్రయత్నంగా అభివర్ణిస్తోంది. స్పీకర్ నిర్ణయంపైనే సర్వత్రా ఉత్కంఠ నెలకొంది.