by Suryaa Desk | Sat, Feb 14, 2026, 06:19 PM

ప్రముఖ సినీ నటుడు, తమిళగ వెట్రి కళగం  పార్టీ అధినేత విజయ్‌ని లక్ష్యంగా చేసుకుని తమిళనాడు బీజేపీ అధ్యక్షుడు నైనార్ నాగేంద్రన్ సంచలన వ్యాఖ్యలు చేశారు. విజయ్ మొదట ఇల్లు దాటి బయటకు రావాలని, త్రిషతో అనుబంధం నుంచి బయటపడితేనే రాజకీయాల్లో వాస్తవాలు తెలుస్తాయని వ్యాఖ్యానించారు. ఈ వ్యాఖ్యలపై డీఎంకే రాజ్యసభ సభ్యురాలు కనిమొళి ఆగ్రహం వ్యక్తం చేశారు. ఒకరి వ్యక్తిగత జీవితం గురించి మాట్లాడటం సరికాదన్నారు.విజయ్‌ని ఉద్దేశించి నాగేంద్రన్ చేసిన వ్యాఖ్యలు తమిళనాడులో చర్చనీయాంశంగా మారాయి. రాబోయే ఎన్నికల్లో ప్రధాన పోటీ తన పార్టీకి, డీఎంకేకు మధ్యే ఉంటుందని, బీజేపీ వంటి పార్టీలు రేసులో లేవని విజయ్ ఇటీవల బహిరంగసభలో వ్యాఖ్యానించారు.ఈ వ్యాఖ్యలపై నాగేంద్రన్ స్పందిస్తూ, విజయ్‌కు రాజకీయాల పట్ల ఏమాత్రం అవగాహన లేదని ఎద్దేవా చేశారు. సినిమాల్లో డ్యాన్సులు వేసుకోవడానికే పరిమితమని చురక అంటించారు. రాజకీయాల్లోకి వచ్చే ముందు తన కుటుంబాన్ని చక్కదిద్దుకోవాలని హితవు పలికారు.