by Suryaa Desk | Sat, Feb 28, 2026, 08:58 PM

ఇరాన్‌పై దాడులు ప్రారంభించిన అమెరికా, ఇజ్రాయెల్ లక్ష్యాలు అంత సులభంగా సాధ్యమయ్యేలా కనిపించడం లేదు. ఇరాన్ సుప్రీం లీడర్ Ali Khameneiను టార్గెట్‌గా చేసుకుని ఇరుదేశాలు భారీ ఎయిర్ స్ట్రైక్స్ ప్రారంభించాయి.అయితే ఖమేనీ అజ్ఞాత ప్రదేశంలోని భూగర్భ బంకర్‌లో ఆశ్రయం పొందినట్లు సమాచారం. ఇదే సమయంలో ఇజ్రాయెల్–అమెరికా సంయుక్త దాడుల్లో ఇరాన్ రక్షణ మంత్రి Aziz Nasirzadeh, ఇస్లామిక్ రివల్యూషనరీ గార్డ్స్ కమాండర్ Mohammad Pakpour మరణించినట్లు అంతర్జాతీయ మీడియా కథనాలు పేర్కొన్నాయి. అయితే ఖమేనీ సురక్షితంగానే ఉన్నారని ఇరాన్ విదేశాంగ మంత్రి Abbas Araghchi స్పష్టం చేశారు.ఇదిలా ఉండగా, ఊహించని విధంగా ఇరాన్ ప్రతిదాడికి దిగింది. ఇజ్రాయెల్‌లోని పలు ప్రధాన నగరాలపై డ్రోన్లు, బాలిస్టిక్ క్షిపణులతో ఏకకాలంలో దాడులు జరిపింది. రాజధాని Tel Avivతో పాటు మరికొన్ని నగరాల్లో భారీ నష్టం సంభవించినట్లు సమాచారం.ఇరాన్‌కు చైనా, రష్యా పరోక్ష మద్దతు ఇస్తున్నాయనే ఆరోపణలు వినిపిస్తున్నాయి. ముఖ్యంగా చైనా శాటిలైట్ సమాచారాన్ని వినియోగించి అమెరికా స్థావరాలపై దాడులు చేస్తున్నట్లు అనుమానాలు వ్యక్తమవుతున్నాయి. Bahrainలో ఉన్న అమెరికా నేవీ స్థావరంపై ఇరాన్ క్షిపణి దాడి జరిపినట్లు, అక్కడి రాడార్ వ్యవస్థ దెబ్బతిన్నట్లు వార్తలు వస్తున్నాయి. అంతేకాదు, తమ దాడుల్లో అమెరికా యుద్ధ నౌకలు కూడా దెబ్బతిన్నాయని ఇరాన్ ప్రకటించింది.ఇక ఇరాన్ ఒకేసారి Israel, Kuwait, Bahrain, Saudi Arabia, Jordan, Iraq, Qatar దేశాలపై క్షిపణి దాడులు చేసినట్లు నివేదికలు చెబుతున్నాయి. Dubaiలో జరిగిన మిస్సైల్ దాడిలో ఒకరు మరణించగా, Dohaలో భారీ ఆస్తి నష్టం సంభవించినట్లు తెలుస్తోంది. పలు భవనాలు ధ్వంసమయ్యాయని స్థానిక వర్గాలు వెల్లడించాయి.