by Suryaa Desk | Tue, Apr 07, 2026, 11:41 PM

హైదరాబాద్‌లోని కాచిగూడ రైల్వే స్టేషన్ నుంచి రాకపోకలు సాగించే ప్రయాణికులకు దక్షిణ మధ్య రైల్వే అలర్ట్ జారీ చేసింది. ఈ నెలలో కాచిగూడ స్టేషన్ నుంచి వివిధ ప్రాంతాలకు వెళ్లే పలు రైళ్లను తాత్కాలికంగా రద్దు చేసినట్లు అధికారులు ప్రకటించారు.దీంతో ఈ రైళ్లలో ప్రయాణం ప్లాన్ చేసుకున్న ప్రయాణికులు ప్రత్యామ్నాయ మార్గాలను ఎంచుకోవాల్సిన పరిస్థితి ఏర్పడింది. మొత్తం 12 రైళ్లు పలు తేదీల్లో రద్దు చేయబడ్డాయి.కాచిగూడ నుంచి మహబూబ్‌నగర్ వెళ్లే రైలు నంబర్ 67781ను ఈ నెల 10 నుంచి 18 వరకు రద్దు చేశారు. అలాగే మహబూబ్‌నగర్ నుంచి కాచిగూడ వచ్చే రైలు నంబర్ 67782ను 11 నుంచి 19 వరకు నిలిపివేశారు.ఇదే విధంగా కాచిగూడ–రాయచూర్ రైలు 67787, రాయచూర్–కాచిగూడ రైలు 67788లను 11 నుంచి 18 వరకు రద్దు చేశారు. బోధన్–కాచిగూడ రైలు 57414ను 11 నుంచి 19 వరకు నిలిపివేశారు.కాచిగూడ నుంచి గుంతకల్ వెళ్లే రైలు 57412, అలాగే కాచిగూడ నుంచి కర్నూలు సిటీకి వెళ్లే 17435 రైలు కూడా 10 నుంచి 18 వరకు రద్దు అయ్యాయి. కర్నూలు సిటీ నుంచి కాచిగూడ వచ్చే 17436 రైలు 11 నుంచి 19 వరకు నిలిపివేశారు.అదే విధంగా కాచిగూడ–రాయచూర్ రైలు 17693, రాయచూర్–కాచిగూడ రైలు 17694లను 12 నుంచి 17 వరకు రద్దు చేశారు. కాచిగూడ–మహబూబ్‌నగర్ రైలు 77641, మహబూబ్‌నగర్–కాచిగూడ రైలు 77642ను 11 నుంచి 18 వరకు రద్దు చేసినట్లు రైల్వే అధికారులు తెలిపారు.మొత్తం మీద ఈ తాత్కాలిక రద్దులతో ప్రయాణికులు ముందుగా తమ ప్రయాణ వివరాలు చెక్ చేసుకోవాలని దక్షిణ మధ్య రైల్వే సూచించింది.