by Suryaa Desk | Mon, Apr 27, 2026, 10:19 PM

ఐపీఎల్ 2026 సీజన్‌లో Royal Challengers Bengaluruతో జరిగిన మ్యాచ్‌లో Delhi Capitals జట్టు ఘోర ప్రదర్శన కనబరిచింది. ఢిల్లీలోని ఫిరోజ్ షా కోట్లా మైదానంలో జరిగిన ఈ మ్యాచ్‌లో పిచ్ పూర్తిగా పేసర్లకు అనుకూలంగా మారడంతో ఆర్‌సీబీ బౌలర్లు జోష్ హేజిల్‌వుడ్, భువనేశ్వర్ కుమార్ చెలరేగిపోయారు. వీరిద్దరూ చెరో మూడు వికెట్లు తీసి ఢిల్లీ బ్యాటింగ్ లైనప్‌ను కుప్పకూల్చారు.అనూహ్యంగా బంతి స్వింగ్ అవుతూ, బౌన్స్ ఎక్కువగా ఉండటంతో 10 పరుగుల లోపే ఢిల్లీ ఆరు కీలక వికెట్లు కోల్పోయి తీవ్ర ఒత్తిడిలో పడింది. అయినప్పటికీ, ఈ చెత్త ఇన్నింగ్స్ మధ్య ఢిల్లీ ఆటగాడు డేవిడ్ మిల్లర్ అరుదైన వ్యక్తిగత ఘనత సాధించాడు.మిల్లర్ 11 పరుగుల వద్ద ఉన్న సమయంలో టీ20 క్రికెట్‌లో 12,000 పరుగులు పూర్తి చేసిన మూడో దక్షిణాఫ్రికా ఆటగాడిగా నిలిచాడు. అతను ఈ మైలురాయిని చేరుకోవడానికి 565 మ్యాచ్‌లు (513 ఇన్నింగ్స్‌లు) తీసుకున్నాడు. అతనికి ముందు క్వింటన్ డి కాక్, ఫాఫ్ డుప్లెసిస్ మాత్రమే ఈ ఘనతను అందుకున్నారు. మొత్తంగా చూస్తే మిల్లర్ టీ20ల్లో 13వ ఆటగాడిగా 12 వేల పరుగుల క్లబ్‌లోకి చేరాడు. అతని ఖాతాలో 56 హాఫ్ సెంచరీలు, 4 సెంచరీలు ఉన్నాయి.ఐపీఎల్‌లో 2012లో అరంగేట్రం చేసిన మిల్లర్ ఇప్పటివరకు 149 మ్యాచ్‌ల్లో 3,100 పరుగులు చేశాడు. ఇందులో 14 హాఫ్ సెంచరీలు నమోదు చేయగా, వాటిలో 13 లక్ష్య ఛేదనల్లో రావడం విశేషం.మ్యాచ్ విషయానికి వస్తే, ఢిల్లీ జట్టు పూర్తిగా విఫలమైంది. కేవలం 16.3 ఓవర్లలో 75 పరుగులకే ఆలౌట్ అయింది. అభిషేక్ పోరెల్ 30 పరుగులతో టాప్ స్కోరర్‌గా నిలిచాడు. ఆర్‌సీబీ తరఫున హేజిల్‌వుడ్ 4 వికెట్లు, భువనేశ్వర్ కుమార్ 3 వికెట్లు తీసి మ్యాచ్‌ను పూర్తిగా తమవైపు తిప్పుకున్నారు.