by Suryaa Desk | Wed, Apr 29, 2026, 10:35 PM

Maulana Salman Azhar: పాకిస్థాన్ కేంద్రంగా భారత్‌పై కుట్రలు పన్నుతున్న ఉగ్రవాద సంస్థలకు వరుసగా షాక్‌లు తగులుతున్నాయి. తాజాగా జైష్-ఎ-మొహమ్మద్ (Jaish-e-Mohammed)కు చెందిన కీలక కమాండర్ మౌలానా సల్మాన్ అజార్ అనుమానాస్పద పరిస్థితుల్లో మరణించినట్లు సమాచారం వెలుగులోకి వచ్చింది.భారతదేశంపై సరిహద్దు ఉగ్రదాడులకు ప్రణాళికలు రూపొందించే ఈ సంస్థలో కీలక పాత్ర పోషించిన సల్మాన్ అజార్, పాకిస్థాన్‌లోని బహవల్పూర్‌లో జరిగిన రోడ్డు ప్రమాదంలో మృతి చెందినట్లు నివేదికలు చెబుతున్నాయి. గుర్తుతెలియని వాహనం ఢీకొనడంతో అతను ప్రాణాలు కోల్పోయినట్లు తెలుస్తోంది.బహవల్పూర్‌లో అంత్యక్రియలుతాజా సమాచారం ప్రకారం, సల్మాన్ అజార్ అంత్యక్రియలు 2026 ఏప్రిల్ 29న సాయంత్రం 4 గంటలకు బహవల్పూర్‌లోని మర్కజ్ సుభానల్లాలో నిర్వహించారు. ఈ కార్యక్రమానికి జైష్ సానుభూతిపరులు పెద్ద సంఖ్యలో హాజరైనట్లు తెలుస్తోంది. అయితే ఇది సాధారణ ప్రమాదమా లేక లక్ష్యంగా చేసిన హత్యా అనే కోణంలో అనుమానాలు వ్యక్తమవుతున్నాయి.గతేడాది జూన్ నెలలో కూడా జైష్-ఎ-మొహమ్మద్‌కు చెందిన మరో కీలక నేత మౌలానా అబ్దుల్ అజీజ్ ఈజర్ అనుమానాస్పద పరిస్థితుల్లో మరణించాడు. అధికారికంగా అతని మృతికి గుండెపోటు కారణమని పేర్కొన్నప్పటికీ, దాని వెనుక మిస్టరీ ఇంకా కొనసాగుతోంది.భద్రతా వర్గాల ప్రకారం, 2016 నాగ్రోటా దాడితో సహా అనేక ఉగ్రదాడుల వెనుక ఈ నేతల పాత్ర ఉందని భావిస్తున్నారు. పాకిస్థాన్ పంజాబ్ ప్రాంతంలో భారత్‌కు వ్యతిరేకంగా ప్రేరేపణాత్మక ప్రసంగాలు చేయడంలో కూడా వీరు ముందుండేవారు.ఇటీవలి కాలంలో జైష్-ఎ-మొహమ్మద్ అగ్రనాయకత్వం వరుసగా అనుమానాస్పద ఘటనల్లో మరణించడం ఆ సంస్థలో కలవరం రేపుతోంది. ఈ ఘటనలపై పలు కోణాల్లో చర్చ కొనసాగుతోంది.