భారీ వర్షం.. హైదరాబాద్కు రెడ్ అలర్ట్
Telangana Telugu | Suryaa Desk | Published : Fri, Aug 16, 2024, 07:59 PM
తెలంగాణ వ్యాప్తంగా భారీ వర్షాలు కురుస్తున్నాయి. ఈ క్రమంలోనే హైదరాబాద్ నగర వ్యాప్తంగా కూడా ఎడతెరిపిలేకుండా వానలు పడుతున్నాయి. ఇక రాత్రికి మరింత కుండపోత వర్షం కురిసే అవకాశం ఉందని తాజాగా హైదరాబాద్ వాతావరణ శాఖ రెడ్ అలర్ట్ జారీ చేసింది. నగరంలో భారీగా వర్షాలు పడతాయని హెచ్చరికలు జారీ చేసింది. ఈ క్రమంలోనే నగరవాసులు అప్రమత్తంగా ఉండాలని సూచించింది. ఈ నేపథ్యంలోనే నగరంలోని పలు ప్రాంతాల్లో భారీగా ట్రాఫిక్ జామ్ ఏర్పడటంతో వాహనదారులు తీవ్రంగా ఇబ్బందులు పడుతున్నారు. హైదరాబాద్ నగరంలోని పలు ప్రాంతాల్లో మధ్యాహ్నం నుంచి భారీగా వర్షం కురుస్తోంది.
నగరంలోని సికింద్రాబాద్, బోయిన్పల్లి, తిరుమలగిరి, అల్వాల్, బొల్లారం, ప్యాట్నీ, ప్యారడైజ్, బేగంపేట్, చిలకలగూడ, మారేడుపల్లి, కూకట్పల్లి, మూసాపేట్, ఆల్విన్ కాలనీ, హైదర్నగర్, కేపీహెచ్బీ కాలనీ, నిజాంపేట, ప్రగతినగర్, బాచుపల్లి, మేడ్చల్, కండ్లకోయ, కృష్ణాపూర్, దుండిగల్, గండిమైసమ్మ, మియాపూర్, చందానగర్, లింగంపల్లి, కొండాపూర్, మాదాపూర్, గచ్చిబౌలి, రాయదుర్గం, ఎస్ఆర్నగర్, సనత్ నగర్, ఎర్రగడ్డ, ఈఎస్ఐ, యూసుఫ్గూడ, పంజాగుట్ట, అమీర్పేట, జూబ్లీహిల్స్, కుత్బుల్లాపూర్, జగద్గిరిగుట్ట, షాపూర్, జీడిమెట్ల, బాలనగర్, సుచిత్ర, గుండ్ల పోచంపల్లి, సూరారం, బహదూర్పల్లి, షాద్నగర్, కోఠి, సుల్తాన్బజార్, బేగంబజార్, నాంపల్లి, అబిడ్స్, బషీర్బాగ్, లక్డీకాపూల్, లిబర్టీ, హిమాయత్నగర్, నారాయణ గూడ, చిక్కడపల్లి ప్రాంతాల్లో భారీ వర్షం కురుస్తోంది. డ్రైనేజీలు పొంగడంతో రహదారులపైకి నీరు చేరింది. దీంతో వాహనదారులు ఇబ్బందులు ఎదుర్కొంటున్నారు.
ఇక మరికొన్ని గంటల్లో హైదరాబాద్ వ్యాప్తంగా కుండపోత వర్షాలు కురిసే అవకాశం ఉందని హైదరాబాద్ వాతావరణశాఖ రెడ్ అలర్ట్ ప్రకటించింది. నగరవాసులు అప్రమత్తంగా ఉండాలని జీహెచ్ఎంసీ అధికారులు సూచించారు. భారీ వర్షాలు, వాతావరణ శాఖ హెచ్చరికలతో జీహెచ్ఎంసీ, డీఆర్ఎఫ్ బృందాలు రంగంలోకి దిగాయి. ఏదైనా సహాయం కోసం 040 21111111కు ఫోన్ చేయాలని జీహెచ్ఎంసీ అధికారులు తెలిపారు. వర్షం కారణంగా హైదరాబాద్ నగరవ్యాప్తంగా ట్రాఫిక్ సమస్య నెలకొంది. లక్డీకాపూల్, ఖైరతాబాద్, అమీర్పేట, ఖాజాగూడ కూడలి, మల్కంచెరువు, బయోడైవర్సిటీ కూడలి, ఐకియా కూడలి, గచ్చిబౌలిలోని ప్రధాన రహదారులపై వాహనాలు బారులు తీరాయి. దీంతో వాహనదారులు తీవ్ర ఇబ్బంది పడుతున్నారు.
|
|