ఆ రెండు రోజులు సెలవులు.. రేవంత్ సర్కార్ ఉత్తర్వులు జారీ

తెలంగాణలో సెప్టెంబర్ నెలలో రెండు రోజులు సెలవు దినాలు అని రేవంత్ రెడ్డి సర్కార్ వెల్లడించింది. సెప్టెంబర్ 7,17వ తేదీలను కాంగ్రెస్ ప్రభుత్వం సెలవు దినాలుగా ప్రకటించింది. ఈ మేరకు బుధవారం సర్కార్ ఉత్తర్వులు జారీ చేసింది. సాధారణంగా గణేష్ చతుర్థి, మిలాద్ ఉన్ నబీ పండగల సందర్భంగా ఇది వరకే ప్రభుత్వం సెలవులు ప్రకటించింది. ఈ నెల 7వ తేదీన గణేష్ చతుర్థి ఉండగా.. మిలాద్ ఉన్ నబీ ఈ నెల 16వ తేదీన ఉన్నట్లు అధికారిక క్యాలెండర్‌లో ప్రకటించింది. అయితే మిలాద్ ఉన్ నబీ పండగను నెలవంక దర్శనం తర్వాత జరుపుకోవడం జరుగుతుంది కాబట్టి.. ముందుగా నిర్ణయించిన తేదీ తర్వాత సెలవు తేదీని మార్చుతున్నట్లు సర్కార్ తాజాగా విడుదల చేసిన ఉత్తర్వుల్లో పేర్కొన్నారు.

దీంతో 7వ తేదీన గణేష్ చతుర్థి , 17న మిలాద్ ఉన్ నబీకి సెలవులను ప్రభుత్వం డిక్లేర్ చేసింది. అయితే వినాయక చవితి ఈ నెల 7న ప్రారంభమై 17 నిమజ్జన కార్యక్రమం జరుగుంది. ప్రభుత్వం ప్రతీ ఏడాది గణేష్ నిమజ్జనం రోజున అధికారిక సెలవు ప్రకటిస్తుంది. ఈ నేపథ్యంలో మిలాద్ ఉన్ నబీ హాలీడే ఆ రోజే రావడంతో నిమజ్జన సెలవు కూడా అందులోనే ప్రకటించే ఛాన్స్ ఉంది. ఇదిలా ఉండగా 17న గణేష్ నిమజ్జనం ర్యాలీ కార్యక్రమం ఉండటంతో అదే రోజు జరగాల్సిన మిలాద్ ఉన్ నబీ ఊరేగింపు కార్యక్రమం వాయిదా పడుతుందని ప్రచారం జరుగుతోంది. దీంతో ఈ కార్యక్రమం 19వ తేదిన జరపే అవకాశం ఉన్నట్లు తెలుస్తోంది.

తెలంగాణలో సాధారణ సెలవుల క్యాలెండర్ ప్రకారం.. సెప్టెంబర్ 7వ తేదీ గణేష్ చతుర్థి, సెప్టెంబర్ 16వ తేదీన మిలాద్ ఉన్ నబీ పండగల సందర్భంగా సెలవులుగా గతంలో నిర్ణయించారు. కానీ నెలవంక దర్శనం తేదీని బట్టి మిలాద్ ఉన్ నబీ సెలవు దినం మార్చినట్లు తెలంగాణ ప్రభుత్వం తాజాగా వివరణ ఇచ్చింది. ముందుగా నిర్ణయించిన 16వ తేదీన కాకుండా.. 17వ తేదీని మిలాద్ ఉన్ నబీ సెలవు దినంగా రేవంత్ రెడ్డి సర్కార్ తాజాగా ప్రకటించింది.

 ఇక సెప్టెంబర్ 7వ తేదీన వినాయక చవితి నవరాత్రులు మొదలు కానున్నాయి. ఈ నేపథ్యంలోనే సెప్టెంబర్ 17వ తేదీన వినాయకుడి విగ్రహ నిమజ్జనం జరగనుంది. దాంతో వినాయక నిమజ్జనం ఊరేగింపు కారణంగా.. ఆ రోజు జరగాల్సిన మిలాద్ ఉన్ నబీ ఊరేగింపు ర్యాలీ వాయిదా పడే అవకాశం ఉన్నట్లు తెలుస్తోంది. అయితే ఈ నెల 19వ తేదీ మిలాద్ ఉన్ నబీ ఊరేగింపు జరిగే అవకాశముందని సమాచారం.