అల్లు అర్జున్ అరెస్ట్పై కేటీఆర్ ఫైర్.. రేవంత్ అరెస్ట్కు డిమాండ్
Telangana Telugu | Suryaa Desk | Published : Fri, Dec 13, 2024, 06:15 PM
పుష్ప 2 మూవీ ప్రిమీయర్ షో సందర్భంగా హైదరాబాద్ ఆర్టీసీ క్రాస్రోడ్డులోని సంధ్య థియేటర్ వద్ద జరిగిన తొక్కిసలాటలో రేవతి అనే మహిళ మృతి చెందిన విషయం తెలిసిందే. ఈ కేసులో తాజాగా, హీరో అల్లు అర్జున్ను చిక్కడపల్లి పోలీసులు అరెస్టు చేశారు. ఆయనపై 105, 118(1), రెడ్ విత్ 3/5 BNS సెక్షన్ల కింద కేసు నమోదు చేసి అదుపులోకి తీసుకున్నారు. అయితే, అల్లు అర్జున్ అరెస్ట్ అంశం టాలీవుడ్ ఇండస్ట్రీతో పాటుగా.. తెలుగు రాష్ట్రాల్లో సంచలనంగా మారింది. ఐకాన్ స్టార్ అరెస్టుపై తాజాగా బీఆర్ఎస్ వర్కింగ్ ప్రెసిడెంట్ కేటీఆర్ స్పందించారు. జాతీయ ఉత్తమ నటుడిగా అవార్డు తీసుకున్న అల్లు అర్జున్ను ఈ విధంగా అరెస్టు చేయటం పాలకుల అభద్రతకు పరాకాష్ఠ అని విమర్శించారు తొక్కిసలాట బాధితుల పట్ల తనకు పూర్తి సానుభూతి ఉందని.. కానీ ఈ ఘటనలో నిజంగా విఫలమైంది ఎవరని ట్విట్టర్ వేదికగా కేటీఆర్ ప్రశ్నించారు.
|
|