ట్రెండింగ్
అది ప్రమాదం కాదు.. ప్రేమజంట ఆత్మహత్య
Telangana Telugu | Suryaa Desk | Published : Tue, Jan 07, 2025, 07:55 PM
ఘట్కేసర్లోని ఘన్పూర్ ఓఆర్ఆర్ సర్వీస్ రోడ్డుపై కారు ప్రమాద ఘటనలో ఇద్దరు సజీవదహనం కావడం తీవ్ర దిగ్భ్రాంతికి గురిచేస్తోంది. తొలుత ఇది ప్రమాదంగా భావించారు. కానీ, కారు ప్రమాదవశాత్తూ దగ్ధం కాలేదని.. ఈ ఘటన వెనుక పలు కారణాలున్నాయని తెలుస్తోంది. ఆత్మహత్యాయత్నంలో భాగంగానే జరిగినట్టు అనుమానిస్తున్నారు. నారపల్లికి చెందిన శ్రీరామ్ అనే యువకుడి.. లిఖిత అనే యువతి ఈ ఘటనలో సజీవదహనమయ్యారు. సైకిల్ షాప్ నిర్వహిస్తున్నశ్రీరామ్.. ఆ యువతి కొన్నాళ్లుగా ప్రేమించుకుంటున్నట్టు తెలిసింది. కొంతమంది వ్యక్తులు ఆ ప్రేమ జంటను బ్లాక్ మెయిల్ చేసి డబ్బులు వసూలు చేయడమే కాకుండా టార్చర్ పెడుతున్నట్లు తెలుస్తోంది. వారి వేధింపులు తట్టుకోలేకే ప్రియురాలితో కలిసి శ్రీరామ్ ఆత్మహత్యకు పాల్పడి ఉంటాడన్న అనుమానాలు వ్యక్తమవుతున్నాయి.
|
|