సభా వేదిక ఏర్పాటుకు భూమి పూజ
Telangana Telugu | Suryaa Desk | Published : Sat, Feb 15, 2025, 04:06 PM
దౌల్తాబాద్: మండల పరిధిలోని దొమ్మాట జిల్లా పరిషత్ ఉన్నత పాఠశాలలో శుక్రవారం 2002-03 పూర్వ విద్యార్థులు తాము విద్య నేర్చిన జిల్లా పరిషత్ ఉన్నత పాఠశాలలో సభా వేదిక ఏర్పాటుకు భూమి పూజ చేశారు. ఈ సందర్భంగా పాఠశాల హెచ్ఎం బాసిత్ మాట్లాడుతూ పూర్వ విద్యార్థుల కృషి ఎనలేనిదని కొనియాడారు.మరొక పాఠశాల పూర్వ విద్యార్థి నర్ర రాజేందర్ తన వంతు సహాయంగా పాఠశాలకు పాఠశాల ముఖద్వారం ముందు బోర్డు ఏర్పాటుకు సహాయ సహకారాలు అందిస్తానన్నారు. అలాగే పదవ తరగతిలో 91% మార్కులు సాధించిన విద్యార్థులకు రూ.5000 నగదును అందజేస్తానన్నారు.
పాఠశాలకు ఎల్లవేళలా సహాయ సహకారాలు అందిస్తానని తెలిపారు. అనంతరం సెల్ఫ్ డిఫెన్స్ లో మంచి ప్రతిభ కనబరిచిన విద్యార్థినిలకు, కరాటే మాస్టర్ నవీన్ కు బహుమతులు ప్రధానం చేశారు. ఈ కార్యక్రమంలో పూర్వ విద్యార్థుల బృందం, నాయకులు రాజు, ప్రభు, ఉపాధ్యాయులు రాజేశ్వర్, మధురకవి, శ్రీధర్, కిషన్ రెడ్డి, సత్యనారాయణ, ప్రకాష్, రాజు, రమేష్, చందు, కళ్యాణి తదితరులు పాల్గొన్నారు.
|
|