ట్రెండింగ్
వేదికపై బాలిక కన్నీరు.. ఆమెను చూసి హరీశ్రావు కంటతడి
Telangana Telugu | Suryaa Desk | Published : Sat, Apr 19, 2025, 08:04 PM
రాజకీయాల్లో రాటుదేలిన నాయకుడు హరీశ్ రావు. పార్టీకి కష్టమొస్తే ట్రబుల్ షూటర్లా ముందుండి నడిచే ధీశాలి. అసెంబ్లీలో ప్రతిపక్ష నాయకులను తన మాటలతో ముప్పుతిప్పలు పెట్టి మూడు చెరువుల నీళ్లు తాగించే హరీశ్ రావు.. సిద్దిపేటలో జరిగిన ఒక కార్యక్రమంలో చిన్న పిల్లాడిలా కన్నీరు పెట్టుకున్నారు. అవును.. మీరు విన్నది నిజమే. సిద్దిపేటలో ‘విద్యార్థులు భద్రంగా ఉండాలి - భవిష్యత్తులో ఎదగాలి’ అనే అవగాహన కార్యక్రమానికి ముఖ్య అతిథిగా హాజరైన హరీశ్ రావు.. విద్యార్థులతో ముఖాముఖిలో పాల్గొన్నారు. ఈ సందర్భంగా ఒక విద్యార్థిని హరీశ్ రావుతో మాట్లాడుతూ.. తన తండ్రి చిన్నప్పుడే చనిపోయాడని, తనకు నాన్న ప్రేమ అంటే ఏమిటో తెలియదని బోరున విలపించింది. ఆ మాటలు విన్న హరీశ్ రావు.. ఆ విద్యార్థినిని ఆప్యాయంగా దగ్గరకు తీసుకుని చిన్న పిల్లాడిలా కన్నీరు పెట్టుకున్నారు.
|
|