వాసవి అమ్మవారి ప్రత్యేక పూజల్లో ఆలేరు ఎమ్మెల్యే బీర్ల అయిలయ్య
Telangana Telugu | Suryaa Desk | Published : Wed, May 07, 2025, 08:03 PM
రాజపేట మండల కేంద్రంలోని శ్రీ రామకృష్ణ సాయి మందిరంలో ఆలేరు ఎమ్మెల్యే బీర్ల అయిలయ్య ప్రత్యేక పూజలు చేశారు.బుధవారం ఆర్యవైశ్యుల ఇలవేల్పు,కులదైవమైన శ్రీ వాసవి కన్యాకపరమేశ్వరి అమ్మవారి జన్మదినం పురస్కరించుకొని ఆలయంలో అమ్మవారి చిత్రపటం ముందు పూజలు నిర్వహించారు.ఆలయ అర్చక స్వాములు చలివేదుల వెంకట రామకృష్ణ ప్రసాద్ శర్మ పూర్ణకుంభంతో,వేదమంత్రాలతో స్వాగతం పలుకగా ప్రత్యేక పూజలు చేసిన ఎమ్మెల్యే బీర్ల అయిలయ్య గారు పూలమాల విశేషలులతో సత్కరించి వేద ఆశీర్వచనం చేశారు.ఈ సందర్భంగా బీర్ల ఐలయ్య గారి దాతృత్వంతో ఆలయానికి వేసిన రంగులను ఆయన పరిశీలించి సంతోషం వ్యక్తం చేశారు.ఆర్యవైశ్యులతో తనకు చిన్నప్పటినుండి స్నేహ సంబంధాలు కొనసాగుతున్నాయని,తన గెలుపులో మెజారిటీలో ఆర్యవైశ్యుల పాత్ర ఎంతో ఉందని గుర్తు చేశారు.క్రమశిక్షణ వర్తక వ్యాపారం,ఇతరులతో నడుచుకునే విధానం,ఓపిక పలు అంశాలలో ఆర్యవైశ్యుల ద్వారా నేర్చుకోవాలని అన్నారు.
|
|