కొండాపూర్ మల్టీ లెవెల్ ఫ్లైఓవర్ డ్రోన్ వీడియో
Telangana Telugu | Suryaa Desk | Published : Wed, May 28, 2025, 06:53 PM
కొండాపూర్లో మల్టీ లెవెల్ ఫ్లైఓవర్ నిర్మాణం పూర్తయ్యింది. అత్యాధునిక ఈ ఫ్లైఓవర్తో ఐటీ కారిడార్లో ప్రయాణించేవారికి ట్రాఫిక్ కష్టాలు తీరనున్నాయి. జూన్ 2న ముఖ్యమంత్రి రేవంత్ రెడ్డి ఈ వంతెనను ప్రారంభించనున్నారు. గచ్చిబౌలి జంక్షన్ పై ఇప్పటికే ఓ ఫ్లైఓవర్ ఉండగా.. దానిపై శిల్పా లేఔట్ ఫేజ్-1 ఫ్లైఓవర్ను నిర్మించారు. ఇప్పుడు దానిపై శిల్పా లేఔట్ ఫేజ్-2 ఫ్లైవర్ను నిర్మించడం విశేషం. ఈ మల్టీ లెవల్ ఫ్లైఓవర్ను 6 వరుసల్లో నిర్మించారు. దీని పొడవు 1.2 కిలోమీటర్లు. వెడల్పు 24 మీటర్లు. స్ట్రాటజిక్ రోడ్ డెవలప్మెంట్ ప్రొగ్రామ్లో భాగంగా రూ. 178 కోట్ల వ్యయంతో ఈ ఫ్లైఓవర్ను నిర్మించారు. ఔటర్ రింగు రోడ్డు నుంచి కొండాపూర్ వెళ్లే మార్గంలో నిర్మించిన ఈ ఫ్లైఓవర్తో కొండాపూర్, హైటెక్ సిటీ, ఫైనాన్షియల్ డిస్ట్రిక్ట్తో మెరుగైన కనెక్టివిటీ లభిస్తుంది. అంతేకాకుండా ఈ పరిసర ప్రాంతాల నుంచి శంషాబాద్ ఎయిర్పోర్టుతో అనుసంధానం కలుగుతుంది. ఓఆర్ఆర్ నుంచి కొండాపూర్, హఫీజ్పేట్ మార్గాల్లో వెళ్లే వారికి ఈ ఫ్లైఓవర్ చాలా ఉపయోగకరంగా ఉంటుంది. ప్రయాణ సమయం ఆదా అవ్వడంతో పాటు గంటల తరబడి ట్రాఫిక్లో చిక్కుకునే చిక్కు ఉండదు.
|
|