ట్రెండింగ్
బోయగూడెంలో 226 మందికి ఇందిరమ్మ ఇళ్ల పట్టాల పంపిణీ
Telangana Telugu | Suryaa Desk | Published : Sun, Jun 08, 2025, 12:26 PM
నల్గొండ జిల్లా తిరుమలగిరి సాగర్ మండలం బోయగూడె గ్రామంలో 226 మంది లబ్ధిదారులకు ఇందిరమ్మ ఇళ్ల పట్టాలను స్థానిక ఎమ్మెల్యే జయవీర్ రెడ్డి పంపిణీ చేశారు. అదే సందర్భంగా 84 మంది లబ్ధిదారులకు కళ్యాణ లక్ష్మి చెక్కులను కూడా అందజేశారు.
ఈ కార్యక్రమంలో నల్గొండ డీసీసీ ఆర్గనైజింగ్ సెక్రటరీ గడ్డం సాగర్ రెడ్డి, తిరుమలగిరి మండల మాజీ ఎంపీపీ భగవాన్ నాయక్, మండల నాయకులు, గ్రామ పెద్దలు, యువకులు తదితరులు పాల్గొన్నారు.
ఈ సందర్భంగా ఎమ్మెల్యే జయవీర్ రెడ్డి మాట్లాడుతూ, ప్రభుత్వం గృహ నిర్మాణానికి అర్హులైన ప్రతి ఒక్కరికి ఇళ్లు అందించే దిశగా కృషి చేస్తుందని తెలిపారు. అలాగే, కళ్యాణ లక్ష్మి, షాదీ ముబారక్ వంటి సంక్షేమ పథకాలు సామాజిక న్యాయం సాధనకు అడ్డుగడలుగా నిలుస్తున్నాయని అన్నారు.
|
|