వెయిట్ కంట్రోల్‌లో ఉండాలంటే బ్రేక్‌ఫాస్ట్ ఎలా తినాలి

మనం తీసుకునే ఫుడ్స్ కారణంగానే బరువు పెరగడం, తగ్గడమనేది ఉంటుంది. అయితే, బరువు తగ్గాలనుకునేవారు కొన్ని సార్లు తెలియకుండా చేసే కొన్ని తప్పుల కారణంగానే బరువు తగ్గకపోగా పెరుగుతారు. ఇక పెరగాలనుకునేవారు కూడా సరైన విధంగా బరువు పెరగరు. దీనికి కారణం తినే ఫుడ్ విషయంలో సరైన అవగాహన లేకపోవడమే.

ఇక ఎవరికైనా కూడా బ్రేక్‌ఫాస్ట్ అనేది చాలా ముఖ్యం. అయితే, ఇందులో ఎక్కువగా తినేది ఇడ్లీ, దోశ. వీటి వల్ల బరువు పెరుగుతారా, తగ్గుతారా.. తగ్గాలంటే ఎలా తినాలి, ఎంత తినాలి. దీని గురించి పూర్తి వివరాలు తెలుసుకోండి.

ఇడ్లీ దోశ తింటుంటే

ఇడ్లీ, దోశ తినడం వల్ల ఫ్యాట్ ఎప్పుడు పెరుగుతుందంటే మనం మోతాదుకి మించి తిన్నప్పుడే. కాబట్టి, మోతాదులో తీసుకోండి. దాంతో ఎలాంటి సమస్యలు ఉండవు. ఎక్కువగా కేలరీలు తీసుకుంటే బరువు పెరుగుతారు. ఇడ్లీ, దోశల్లో కార్బోహైడ్రేట్స్ ఎక్కువగా ఉంటాయి. దీని వల్ల కేలరీలు అందుతాయి. అయితే, వాటిని లిమిట్‌గా తీసుకుంటే ఎలాంటి ప్రాబ్లమ్స్ ఉండవు.

లో కేలరీలు

ఇడ్లీ, దోశ రెండింటిని కూడా స్టీమ్ మీదే చేస్తారు. కాబట్టి, ఇందులో ఎక్కువగా కేలరీలు ఉండవు. అయితే, తినే క్వాంటిటీ ముఖ్యం. మీరు బరువు తగ్గాలనుకుంటే తక్కువ మోతాదులోనే తినాలి. అయితే, వాటిని కూడా మనం చిరుధాన్యాలతో చేసి తింటే ఆరోగ్యానికి ఆరోగ్యం ఎలాంటి భయం కూడా ఉండదు.

ఫైబర్

వీటిని తినేటప్పుడు అందులో ఫైబర్ కూడా ఉండేలా చూసుకోండి. దీనికోసం పప్పు, సాంబార్ వంటివి ఉండాలి. దీంతో కడుపు నిండుగా ఉంటుంది. మరో ఫుడ్ తీసుకునేవరకూ ఆకలి కాదు. త్వరగా బరువు తగ్గుతారు. ఎక్కువ మోతాదులో హెల్దీ ఫుడ్ తిన్నా మంచిది కాదని గుర్తుంచుకోండి. దీని వల్ల కేలరీలు పెరిగి బరువు పెరుగుతారు.

ఈ తప్పులు వద్దు

కొంతమంది ఇడ్లీ, దోశలను ప్రయోగాలు చేస్తుంటారు. ఎక్స్‌ట్రా ఆయిల్ వేయడం, రిచ్ చట్నీస్, మసాలాలు వేయడం, ఇడ్లీలు ఫ్రై చేసి తినడం ఇలాంటివి చేసినప్పుడు కేలరీలు పెరుగుతాయి. కాబట్టి, ఎప్పుడు కూడా అలా చేయొద్దు.

ఎలా తినాలంటే

మనం తినే విషయంలో తప్పు ఏంటంటే కార్బ్స్ ఎక్కువగా తింటాం. కూరగాయలు తక్కువగా తింటారు. అలా ఎప్పుడు తినకూడదు. కార్బ్స్ అంటే అన్నమైనా, దోశ, ఇడ్లీ, ఊతప్పం, అప్పం ఇలా ఏవైనా సరే.. అందులో కేలరీలు ఎక్కువగా, పోషకాలు తక్కువగా ఉంటాయి. కానీ, కూరగాయల్లో తక్కువగా ఉండి, ఫైబర్, పోషకాలు పుష్కలంగా ఉంటాయి. వీటి వల్ల మన కడుపు నిండుగా ఉంటుంది. ఎక్కువగా ఆకలి అవ్వదు. కాబట్టి, ఇడ్లీ, దోశ తినే బదులు కేలరీలు తక్కువ, ఫైబర్ ఎక్కువగా ఉండే ఫుడ్ తినండి. ఇడ్లీ, దోశ పిండిల్లో ఆకుకూరలు, క్యారెట్స్‌ని మెత్తగా చేసి వేయడం వంటివి కూడా మంచి ఆప్షన్స్.

ప్రోటీన్ కూడా

బరువు తగ్గించడంలో ప్రోటీన్ కూడా కీ రోల్ పోషిస్తుంది. కాబట్టి, ఇడ్లీ దోశలతో పాటు ప్రోటీన్ కూడా తీసుకోండి. దీంతో జీవక్రియ పెరగుుతుంది. బరువు కంట్రోల్ చేసే హార్మోన్లు సరిగా పనిచేస్తాయి. ఆకలి తగ్గుతుంది. వయసు, ఉన్న బరువు, మీ గోల్స్‌ని బట్టి ప్రోటీన్‌ని తీసుకోవడం మంచిది. ఇందుకోసం డాక్టర్ సలహా తీసుకోండి.