బటర్‌ తింటే కొలెస్ట్రాల్ పెరుగుతుందని భయంగా ఉందా

టోస్ట్, పరాఠా, నాన్, ఇలా కొన్ని ఫుడ్ ఐటెమ్స్‌కి బటర్‌తోనే అసలు మజా. వీటితో తింటేనే ఆ రుచి మహా గొప్పగా ఉంటుంది. అయితే, కొలెస్ట్రాల్ గురించి ఇప్పుడు పెరిగిన అవగాహనతో కొన్ని ఫుడ్స్ తీసుకోవద్దంటున్నారు. అందులో బటర్ కూడా ఒకటి. బటర్ తింటే కొలెస్ట్రాల్ పెరుగుతుందని చాలా మంది చెబుతుంటారు. అయితే, అది మనం తినే విధానాన్ని బట్టి ఉంటుంది. అందులోనూ బటర్‌ని అవాయిడ చేయాలనుకుంటే దాని బదులు హెల్దీ ఆల్టర్నేటివ్స్ ఉన్నాయి.

మనం బటర్‌ని పోషకాలతో కూడిన ఇతర ఆల్టర్నేటివ్స్‌తో తీసుకోవడం వల్ల చాలా సమస్యలు దూరమవుతాయి. మన డైట్‌లో హెల్దీ ఫ్యాట్స్ యాడ్ చేయడం మంచిది. ఇందులో విటమిన్స్, మినరల్స్, ఫైబర్స్ ఎక్కువగా ఉంటాయి. అందులోనూ కొన్ని ఫుడ్స్ ప్లాంట్ బేస్డ్, ఎక్కువగా పోషకాలతో నిండి ఉంటుంది. అలాంటి ఫుడ్స్‌ని మనం బటర్ బదులు వాడుకోవచ్చు.

గ్రీక్ యోగర్ట్

గ్రీక్ యోగర్ట్ ఫ్యాట్ తక్కువగా ఉండి ప్రోటీన్ ఎక్కువగా ఉంటుంది. దీనిని మనం బేకింగ్‌లో వాడొచ్చు. దీని వల్ల మంచి క్రీమీ టేస్ట్ ఉంటుంది. కాస్తా పుల్లని రుచి కూడా వస్తుంది. ఫుల్ ఫ్యాట్, లోఫ్యాట్ ఫుడ్స్‌లో కూడా వాడొచ్చు. దీనిని మనం ఏ కాంబినేషన్‌తో తీసుకున్నా చాలా టేస్టీగా ఉంటుంది.

ఆలివ్ ఆయిల్

​ఆలివ్ ఆయిల్ గుండెకి చాలా మంచిది. ముఖ్యంగా వంట, బేకింగ్ చేయడానికి ఇది చాలా మంచిది. ఇందులో మోన్ అన్‌శాచ్యురేటెడ్ ఫ్యాట్స్, యాంటీ ఆక్సిడెంట్స్ ఉంటాయి. ఇవన్నీ కూడా గుండె ఆరోగ్యానికి చాలా మంచిది. ఇన్‌ఫ్లమేషన్‌ని తగ్గిస్తాయి. ఎక్స్‌ట్రా వర్జిన్ ఆలివ్ ఆయిల్ అనేది కొన్ని డిషెస్, సలాడ్స్, బేకింగ్ వంటి వాటికి మైల్డ్ ఫ్రూటీ ఫ్లేవర్‌ని అందిస్తుంది. ముప్పావుకప్పు ఆలివ్ ఆయిల్‌ని రోజు తీసుకోవడం మంచిది.

నట్ బటర్స్

నట్స్‌నుంచి బటర్స్ కూడా వాడొచ్చు. బాదం, పల్లీ, జీడిపప్పు వంటివాటిని మెత్ని క్రీమీ, ఫ్లేవరేబుల్ బటర్‌లా చేసి వాడుకోవచ్చు. వీటిలో హెల్దీ ఫ్యాట్స్, ప్రోటీన్ ఉంటాయి. వీటితో పాటు పోషకాలైన విటమిన్ ఈ, మెగ్నీషియ‌ంలు కూడా ఉంటాయి. పైగా ఇవన్నీ కూడా చాలా రుచిగా ఉంటాయి.

అవకాడో

అవకాడో కూడా మనం బటర్ బదులు వాడుకోవచ్చు. ఇందులో గుండె ఆరోగ్యాన్ని కాపాడే మోనోఅన్‌శాచ్యురేటెడ్ ఫ్యాట్స్, ఫైబర్, విటమిన్స్, మినరల్స్ ఎక్కువగా ఉంటాయి. దీనికోసం మీరు అవకాడోని గుజ్జులా చేసి టోస్ట్, బేకింగ్, బ్రౌనీస్, మఫిన్స్‌కి వాడొచ్చు. కన్సిస్టెన్సీని బట్టి అవకాడోని వాడండి.

కొబ్బరినూనె

కొబ్బరి నూనె మంచి ప్లాంట్ బేస్డ్ ఆల్టర్నేటివ్ అని చెప్పొచ్చు బటర్‌కి ఇందులో యూనిక్ ఫ్లేవర్ ఉంటుంది. ఇందులో మీడియం చైన్ ట్రైగ్లిజరైడ్స్ ఉంటాయి. ఇవన్నీ కూడా మెటబాలిజాన్ని బూస్ట్ చేస్తాయి. ఇందులో ఎన్నో అద్భుత గుణాలు ఉన్నాయి. దీనిని మనం బేకింగ్, కుకింగ్‌కి వాడుకోవచ్చు.