బెస్ట్ ట్యాక్స్ సేవింగ్ ఫండ్స్ ఇవే.. రూ.1.50 లక్షలు ఆదా

చాలా మంది ట్యాక్స్ పేయర్లు ఆర్థిక సంవత్సరం చివరిలో పెట్టుబడులు పెడుతుంటారు. అందులోనూ చాలా మంది ఆదాయపు పన్ను చట్టంలోని సెక్షన్ 80సీ కిందకు వచ్చే పెట్టుబడి మార్గాలనే ఎంచుకుంటారు. సెక్షన్ 80సీ కింద వివిధ పెట్టుబడుల ద్వారా వార్షిక సంవత్సరంలో రూ.1.50 లక్షల వరకు పన్ను మినహాయింపులు క్లెయిమ్ చేసుకోవచ్చు. మీరు మ్యూచువల్ ఫండ్స్‌లో ఇన్వెస్ట్ చేయాలనుకుంటే మీకు ట్యాక్స్ సేవింగ్స్ మ్యూచవల్ ఫండ్స్ లేదా ఈఎల్ఎస్ఎస్ ఫండ్స్ ఉంటాయి. మరి ఈ ఫిబ్రవరి 2025లో అందుబాటులో ఉన్న బెస్ట్ ట్యాక్స్ సేవింగ్ మ్యూచువల్ ఫండ్స్ గురించి తెలుసుకుందాం.

ట్యాక్స్ సేవింగ్ మ్యూచువల్ ఫండ్స్ లేదా ఈక్విటీ లింక్డ్ సేవింగ్స్ స్కీమ్ స్కీమ్‌లో పెట్టుబడి పెట్టడం ద్వారా ఐటీ చట్టంలోని సెక్షన్ 80సీ కింద ఏడాదికి గరిష్ఠంగా రూ. 1.50 లక్షల వరకు పన్ను మినహాయింపులు క్లెయిమ్ చేసుకోవచ్చు. అయితే, మ్యూచువల్ ఫండ్స్‌లోనూ రిస్క్ ఉంటుంది. ట్యాక్స్ సేవింగ్ మ్యూచువల్ ఫండ్స్ సాధారణంగానే స్టాక్స్‌లో ఇన్వెస్ట్ చేస్తాయి. దీంతో హైరిస్క్ అనేది ఉంటుందని గమనించాలి. ఈ విషయంపై పూర్తి అవగాహన ఉండాలి. లేదంటే నష్టపోయిన తర్వాత మానసికంగా కుంగుబాటుకు గురికావాల్సి వస్తుంది. అలాగే పబ్లిక్ ప్రావిడెంట్ ఫండ్, నేషనల్ సేవింగ్స్ సర్టిఫికేట్ వంటి స్థిర రాబడి అందించే స్కీమ్స్‌తో పోలిస్తే ఈఎల్ఎస్ఎస్ పథకాల్లో గ్యారెంటీ రిటర్న్స్ అనేవి ఉండవు. మార్కెట్ పరిస్థితులను బట్టి రాబడులు మారుతుంటాయి.

అయితే, రిస్క్ తీసుకునే సామర్థ్యం ఉన్న వారు ఈ ఫండ్స్ ఎంపిక చేసుకోవచ్చు. రిస్క్ తీసుకున్న వారికే రివార్డ్ దక్కుతుందనేది చాలా మంది చెబుతుంటారు. అలాంటిదే మ్యూచువల్ ఫండ్స్‌లో జరుగుతుంది. ఈక్విటీ లింక్డ్ సేవింగ్స్ స్కీమ్స్ లో హైరిటర్న్స్ వస్తుంటాయి. గడిచిన 10 సంవత్సరాల కాలంలో చూస్తే చాలా రకాల ట్యాక్స్ సేవింగ్ మ్యూచువల్ ఫండ్స్ 15 శాతానికిపైగా లాభాలు అందించాయి. అలా ఈ ఫిబ్రవరి, 2025 లో ఇన్వెస్ట్ చేసేందుకు అందుబాటులో ఉన్న బెస్ట్ ఈఎల్ఎస్ఎస్ ఫండ్స్ గురించి తెలుసుకుందాం.

కెనరా రొబెకో ఈఎల్ఎస్ఎస్ ట్యాక్స్ సేవర్ ఫండ్

మీరే అసెట్ ఈఎల్ఎస్ఎస్ ట్యాక్స్ సేవర్ ఫండ్

ఇన్వెస్కో ఇండియా ఈఎల్ఎస్ఎస్ ట్యాక్స్ సేవర్ ఫండ్

డీఎస్‌పీ ఈఎల్ఎస్ఎస్ ట్యాక్స్ సేవర్ ఫండ్

క్వాంట్ ఈఎల్ఎస్ఎస్ ట్యాక్స్ సేవర్ ఫండ్ (కొత్త ఎడిషన్)

బ్యాంక్ ఆఫ్ ఇండియా ఈఎల్ఎస్ఎస్ ట్యాక్స్ సేవర్ ఫండ్ (కొత్త ఎడిషన్)