పగ వల్ల జీవితంలో ఏమేం దూరమవుతాయంటే

మనుషులకి అన్ని సంబంధాలు ముఖ్యమే. ఆ అన్నీ బంధాలు కూడా ఆనందంగా ఉండాలంటే ప్రేమ, నమ్మకం ఉండాలి. అంతేకానీ, పగలు, ప్రతీకారాలు కాదు. అది తల్లీ కొడుకు, అన్నదమ్ములు, అక్కాచెల్లెళ్లు, భార్యాభార్తలు ఇలా ఏ రిలేషన్ అయినా, ప్రేమతోనే ఉండాలి. కానీ, నేటి కాలంలో చాలా మంది పగలు ప్రతీకారాలతోనే ఉంటున్నారు. దీని వల్ల చాలా సమస్యలొస్తాయి. రిలేషన్ దెబ్బతినడం దగ్గర్నుంచీ మెంటల్లీ, ఫిజికల్‌గా కూడా బాధపడతారు. అలాంటి సమస్యలు రాకుండా ఉండాలంటే ఏం చేయాలి.. పగలు మన రిలేషన్‌ని ఎలా దెబ్బతీస్తాయో తెలుసుకోండి.

పగతో ఉన్నప్పుడు

పగతో ఉన్నప్పు ఎప్పుడూ కోపంతోనే ఉంటారు. ఎదుటివారు ఎంత ప్రేమగా ఉన్నా కోపంగానే ఉంటుంది. తిట్టుకోవడం, కోపంతో మాటలనడం, సెటైరిక్‌గా మాట్లాడడం జరుగుతుంది. దీని వల్ల ఎదుటివారు బాధపడతారు. అది మీ చక్కని రిలేషన్‌ని దెబ్బతీస్తుంది.

కమ్యూనికేషన్ సరిగా లేకపోవడం

పగతో చాలా సార్లు మనం మాటలు జారుతాం. గట్టిగట్టిగా అరవడం జరుగుతుంది. ఇది అపార్థాలకు దారి తీస్తుంది. ఎదుటివారు మునుపటిలా మనతో కమ్యూనికేట్ చేయలేరు. విరిగిన అద్దం మళ్లీ అతుక్కోలేదు అన్నట్లుగా ఉంటుంది పరిస్థితి. దీని వల్ల వివాదాలు కూడా పెరుగుతాయి.

అనుమానాలు

పగతో ఉన్నప్పుడు ఎదుటివారు ఎంత మంచి చేసినా వారిని నమ్మలేం. విశ్వాసం తగ్గుతుంది. వారు ఏం చేసినా కూడా తప్పుగానే కనిపించి వారిని మనకి శత్రువుల్లా భావించేలా చేస్తుంది. కాబట్టి, ఈ విషయాన్ని గమనించాలి. ఎంత మంచి చేసినా సమస్యగానే ఉంటుంది. మనం వాస్తవాన్ని గమనించలేం. దీంతో గొడవలు మరింతగా పెరుగుతాయి.

దూరం పెరగడం

పగలు పెరిగినప్పుడు ఎదుటివారికి దగ్గర కాలేం. కనెక్షన్ తగ్గుతుంది. ఇది ఇద్దరి మధ్య ఓ అడ్డుగోడలా మారుతుంది. రిలేషన్‌ని దెబ్బతీస్తుంది. దీంతో చాలా ఇబ్బందిగా ఉంటుంది. కాబట్టి, ఇలాంటి సమస్యలు రాకుండా ఉండాలంటే జాగ్రత్తగా ఉండాలి

ఆనందాల్ని అనుభవించలేకపోవడం

పగ పెరిగినప్పుడు ఎప్పుడు కూడా బాధపెట్టిన క్షణాల్నే గుర్తుంచుకుంటారు. కానీ, ఆనందపడ్డ జ్ఞాపకాల్ని గుర్తుచేసుకోరు. వాటిని ఆస్వాదించలేరు. దీంతో తృప్తి ఉండదు సమస్యలొస్తాయి. భార్యాభర్తల మధ్య దూరం పెరిగి విడిపోయే పరిస్థితి వస్తుంది. కాబట్టి, జాగ్రత్తగా ఉండండి..

ఆరోగ్య సమస్యలు

ఈ పగలు కేవలం రిలేషన్‌ని దెబ్బతీయడం మాత్రమే కాదు. ఆలోచనలు పెరిగి అసహనంగా ఉంటుంది. మానసిక ఆరోగ్యం దెబ్బతింటుంది. ఒత్తిడి, ఆందోళన పెరుగుతుంది. ఇది కాస్తా నిద్రలేమి, నిరాశ వంటి ఆరోగ్య సమస్యలకి దారి తీస్తుంది.

ఎలా దూరం చేసుకోవాలి

పగ పెంచుకోవడం వల్ల రిలేషన్స్ దూరమవుతాయి. అలా కాకుండా ఉండాలంటే ఏదైనా ఓపెన్‌గా మాట్లాడండి.

సమస్య ఉన్నవారితోనే మాట్లాడండి. అంతేకానీ, అందరితో చెప్పుకోవద్దు. నిజాయితీగా వారితోనే మాట్లాడండి.

మీరు ఏదైనా తప్పు చేశారనిపిస్తే దానికి క్షమాపణ చేయండి. దీంతో అవతలివారు హ్యాపీగా ఫీల్ అయి మీతో మంచి రిలేషన్‌ని మెంటెయిన్ చేయొచ్చు. ఇన్ని చేసినా సమస్య తగ్గకపోతే కౌన్సెలింగ్ తీసుకోవడం మంచిది.