అవాంఛిత రోమాల్ని నొప్పి లేకుండా తొలగించుకోవచ్చు,

ప్రతి ఒక్కరూ చర్మం శుభ్రంగా, మృదువుగా ఉండాలని కోరుకుంటారు. అయితే అయితే, అవాంఛిత రోమాలు శరీరంపై కనిపిస్తే రోతగా ఉంటుంది. ప్రత్యేకించి మహిళలు చేతులు, కళ్లపై రోమాలు ఉండటాన్ని ఏ మాత్రం ఇష్టపడరు. స్లీవ్‌లెస్‌లు వేసుకున్నప్పుడు చేతులపై అంవాంఛిత రోమాలు ఉంటే ఎబెట్టుగా ఉంటుంది. అయితే, అవాంఛిత రోమాల తొలగింపు ప్రక్రియ బాధతో కూడుకుంది. వ్యాక్సింగ్, థ్రెడ్డింగ్, ఎపిలేటర్ ఉపయోగిస్తున్నప్పుడు నొప్పిని భరించాల్సి ఉంటుంది. అయితే, కొన్ని పద్ధతుల ద్వారా నొప్పి లేకుండా శరీరంలోని అవాంఛిత రోమాల్ని తొలగించుకోవచ్చు. ఆ పద్ధతులేంటో ఇక్కడ తెలుసుకుందాం.

హెయిర్ రిమూవల్ క్రీమ్

​నొప్పి లేకుండా అవాంఛిత రోమాల్ని తొలగించాలనుకుంటే హెయిర్ రిమూవల్ క్రీమ్ బెస్ట్ ఆప్షన్ అంటున్నారు ఎక్స్‌పర్ట్స్. ఈ క్రీమ్ జుట్టును మూలాల నుంచి మృదువుగా చేయడంలో సహాయపడుతుంది. అంతేకాకుండా వెంట్రుకల్ని సులభంగా తొలగిస్తుంది. దీన్ని చర్మానికి అప్లై చేసి, కొన్ని నిమిషాలు అలాగే ఉంచాలి. ఆ తర్వాత వాష్‌క్లాత్‌లో తుడిచేస్తే వెంట్రుకలు తొలగిపోతాయి.

ప్రయోజనాలు ఇది సులభమైన ప్రక్రియ. నొప్పిలేకుండా వెంట్రుకల్ని తొలగించుకోవచ్చు. గీతలు, చర్మం రాపిడికి గురవుతుందన్న భయం అవసరం లేదు. చర్మాన్ని మృదువుగా, తేమగా మారేలా చేస్తుంది.

గమనిక క్రీమ్ ఉపయోగించే ముందు, అలెర్జీ ఉన్నాయో లేదో తెలుసుకోవడానికి ప్యాచ్ టెస్ట్ చేయండి.

షేవింగ్

షేవింగ్ అనేది వేగవంతమైన, నొప్పిలేకుండా ఉండే పద్ధతి. ఇందుకు మీకు కావలసిందల్లా మంచి నాణ్యత గల రేజర్, షేవింగ్ జెల్. అవాంఛిత రోమాలు ఉన్న చోట జెల్ రాసి.. ఆ తర్వాత రేజర్‌తో సున్నితంగా తొలగించుకోవచ్చు.

ప్రయోజనాలు

* వేగవంతమైన, చౌకైన ఆప్షన్

* ఎప్పుడైనా సులభంగా వెంట్రుకల్ని తొలగించుకోవచ్చు.

గమనిక షేవింగ్ చేయడం వల్ల మళ్లీ వెంట్రుకలు పెరుగుతాయి. ఇది కొన్నిసార్లు కష్టంగా ఉంటుంది. ఇన్గ్రోన్ హెయిర్స్ నివారించడానికి, సరైన టెక్నిక్‌ని అవలంబించి మాయిశ్చరైజర్ రాయండి.

ట్రిమ్మర్

జుట్టును పూర్తిగా తొలగించే బదులు చిన్నగా చేయాలనుకుంటే ట్రిమ్మర్ మంచి ఆప్షన్. ఇది ముఖ్యంగా అండర్ ఆర్మ్స్, బికినీ లైన్ వంటి సున్నితమైన ప్రాంతాలకు మంచిది. ట్రిమ్మర్‌తో సులభంగా అన్‌వాంటెడ్ హెయిర్ తొలగించుకోవచ్చు.

ప్రయోజనాలు

* నొప్పిలేని బెస్ట్ ఆప్షన్

* చర్మం రాపిడికి గురవదు. ఎటువంటి గీతలు ఏర్పడే ప్రమాదం లేదు.

గమనిక ట్రిమ్మర్ పూర్తిగా వెంట్రుకల్ని తొలగించదు. అయితే, ఇది వాటిని చిన్నదిగా చేస్తుంది.

లేజర్ హెయిర్ రిమూవల్

అవాంఛిత రోమాలను శాశ్వతంగా వదిలించుకోవాలనుకుంటే, లేజర్ హెయిర్ రిమూవల్ ఉత్తమ ఎంపిక. ఇది నొప్పిలేకుండా ఉండే ప్రక్రియ. దీనిలో జుట్టు మూలాలు బలహీనపడతాయి. దీని కారణంగా అవి క్రమంగా పెరగడం ఆగిపోతాయి.

ప్రయోజనాలు

* జుట్టు పెరుగుదలను శాశ్వతంగా తగ్గిస్తుంది.

* పూర్తిగా నొప్పిలేకుండా, సురక్షితమైన పద్ధతి