హైదరాబాద్ నగరంలో నకిలీ ఇంజిన్ ఆయిల్‌,,,వ్యక్తిని అరెస్ట్ చేసిన పోలీసులు

హైదరాబాద్ బేగంబజార్‌కు చెందిన ఖయ్యూమ్ ఏడోతరగతి వరకే చదివాడు. ఆ తర్వాత ఆటో మెుబైల్ షాపులో కూలీగా, మెకానిక్‌గా పని చేశాడు. జీతం సరిపోకపోవటంతో అడ్డదారిలో డబ్బు సంపాదించాలని నిర్ణయించుకున్నాడు. ఐదు నెలల క్రితం నూర్‌ఖానాలో గోదామును అద్దెకు తీసుకుని, నకిలీ ఇంజన్ ఆయిల్ తయారు చేయడం ప్రారంభించాడు. ప్రముఖ బ్రాండ్ల లేబుళ్లు, బార్‌కోడ్‌లను డబ్బాలకు అతికించి స్థానిక దుకాణాలకు తక్కువ ధరకు విక్రయిస్తున్నాడు. అసలు ధర కంటే తక్కువ ఉండటంతో దుకాణదారులు కొనుగోలు చేసేవారు. అసలు బ్రాండ్‌ ధర రూ.425 ఉంటే నకిలీ ఆయిల్ రూ.220కే విక్రయించేవాడు. ఈ మేరకు టాస్క్‌ఫోర్స్ పోలీసులు దాడి చేసి అతడిని పట్టుకున్నారు.

కాగా, హైదరాబాదాన్ నగరంలో కల్తీ వ్యాపారం కలవరపాటుకు గురి చేస్తోంది. లాభాపేక్షతో కొందరు కల్తీకి పాల్పడుతుండటంతో అమాయక ప్రజలు అనేక ఆరోగ్య సమస్యలను ఎదుర్కొంటున్నారు. కల్తీ ఆహార పదార్థాల వల్ల జీర్ణ సంబంధిత సమస్యలు, దీర్ఘకాలిక వ్యాధులు వచ్చే ప్రమాదం ఉంది. ముఖ్యంగా పిల్లల ఆరోగ్యంపై ఇది తీవ్ర ప్రభావం చూపుతుంది. ఈ కల్తీని అరికట్టడానికి ప్రభుత్వ యంత్రాంగం మరింత కఠినమైన చర్యలు తీసుకోవాల్సిన అవసరం ఉంది. ఆహార భద్రతా ప్రమాణాలను మరింత కట్టుదిట్టంగా అమలు చేయాలి. కల్తీ చేసే వారిపై కఠినమైన శిక్షలు విధించాలి. అలాగే, ప్రజల్లో కూడా కల్తీపై అవగాహన పెంచడం చాలా ముఖ్యం. మనం కొనే ఆహార పదార్థాల గురించి జాగ్రత్తగా ఉండటం, అనుమానాస్పదంగా ఉంటే వాటిని కొనకపోవడం వంటి జాగ్రత్తలు తీసుకోవాలి. ప్రతి ఒక్కరూ బాధ్యతగా వ్యవహరిస్తేనే ఈ కల్తీ సమస్యను కొంతైనా తగ్గించగలం.