పెట్రోల్ బంకుల్లో అవన్నీ ఫ్రీయే.. డబ్బులు తీసుకుంటే ఒక్క ఫోన్ కొట్టండి

పెట్రోల్ పంపులకు చాలా మంది వెళ్తుంటారు. కేవలం పెట్రోల్, డీజిల్ కొట్టించుకోవడమో, వాహన చక్రాల్లో గాలి నింపించుకోవడమో చేసి వస్తుంటారు. మరికొందరు అయితే అక్కడి బాత్రూంలను కూడా వాడుకుంటారు. ఇవన్నీ అందరికీ తెలిసినవే. అయితే ఇవే కాకుండా మరికొన్ని సేవలు కూడా పెట్రోల్ పంపుల్లో పూర్తి ఉచితం. ఆ విషయం చాలా మందికి తెలియదు. కేవలం పెట్రోల్, డీజిల్ పోయించుకునే వాహనదారులకే కాకుండా సామాన్య ప్రజలు కూడా పలు సౌకర్యాలను ఫ్రీగా పొందవచ్చు. అవేంటో మనం ఇప్పుడు తెలుసుకుందాం.

పెట్రోల్ బంకుల్లో పెట్రోల్ కోసమో లేదా డిజీల్ కోసమో వెళ్తుంటాం. వాహనాల్లో పెట్రోల్, డిజీల్ కొట్టించుకుని మారు మాట్లాడకుండా వచ్చేస్తుంటాం. ఇది చాలా మంది సాధారణంగా చేసేది. పెట్రోల్ బంకుల్లో పలు సౌకర్యాలు ఫ్రీగా పొందవచ్చని చాలా మందికి తెలియదు. ముఖ్యంగా పెట్రోల్ బంకులు నడిపించే వారు తప్పనిసరిగా కొన్ని సౌకర్యాలు కల్పించాల్సి ఉంటుంది. ఆ సదుపాయాలు కల్పించకపోతే వారిపై జరిమానా కూడా విధించే అధికారం ఉంటుంది. యజమానులు ఈ నియమ నిబంధనలు తప్పనిసరిగా పాటించాల్సిందే, లేకపోతే చట్ట ఉల్లంఘనలకు పాల్పడినట్లు భావించి జైలు శిక్ష కూడా విధించే ఆస్కారం ఉంటుంది.

పెట్రోల్ బంకులు, సీఎన్జీ బంకుల్లో టాయిలెట్లు తప్పనిసరిగా ఉండాలి. తాగు నీరు సౌకర్యం కల్పించాల్సిందే. అలాగే టైర్లకు గాలి వంటి ప్రాథమిక సౌకర్యాలు అందుబాటులో ఉంచాలి. ఈ సదుపాయాలు కల్పించకపోతే మొదటి మూడుసార్లకు జరిమానా విధిస్తారు. ముఖ్యంగా తొలిసారి ఉల్లంఘిస్తే రూ.10,000 జరిమానా చెల్లించాల్సి ఉంటుంది. అలాగే రెండో సారి అతిక్రమిస్తే రూ.25,000 ఫైన్ వేస్తారు. ఇక మూడో సారి కూడా అలాగే చేస్తే.. రూ.10 వేల జరిమానా విధిస్తారు. అలాగే 45 రోజుల పాటు అమ్మకాలు నిలిపివేస్తారు.

పెట్రోల్ పంపుల్లో ఏవేవీ ఉచితమంటే..?

1. పెట్రోల్ పంపుల్లో వాహనాల టైర్లలో గాలిని ఉచితంగా నింపుకోవచ్చు. దీని కోసం ఎలాంటి డబ్బు చెల్లించాల్సిన అవసరం లేదు. డబ్బు అడిగితే వారిపై కేసు పెట్టవచ్చు.

2. పెట్రోల్ బంకుల వద్ద ఉచితంగా తాగు నీరు అందుబాటులో ఉంచాలి. ప్రతి ఒక్కరూ నీరు తాగేలా సౌకర్యం కల్పించాలి.

3. పెట్రోల్ బంకుల్లో టాయిలెట్లు సౌకర్య తప్పనిసరి. ఎవరైనా, ఎప్పుడైనా ఉపయోగించుకోవచ్చు. టాయిలెట్ వాడుకునేందుకు నిరాకరించే హక్కు యజమానికి కూడా లేదు.

4. అత్యవసర సమయాల్లో పెట్రోల్ బంకుల్లోని టెలిఫోన్ ద్వారా ఎవరికైనా ఉచితంగా కాల్ చేయవచ్చు. దీనికి ఎటువంటి డబ్బులు వసూలు చేసే వీలు లేదు.

5. పెట్రోల్ బంకుల్లో ప్రథమ చికిత్స కిట్ అందుబాటులో ఉంచాలి. ముఖ్యమైన మందులు, బ్యాండేజీలు ఉండాలి. అత్యవసర పరిస్థితుల్లో వాడుకునే సౌకర్యం కల్పించాలి.