జట్లు విరబోసుకుని శివసత్తులా ఊగుతూ.. యూఏఈలో ట్రంప్‌నకు వినూత్న స్వాగతం

అగ్రరాజ్యం అమెరికా అధ్యక్షుడు డొనాల్డ్ ట్రంప్ ప్రస్తుతం అరబ్ దేశాల పర్యటనలో ఉన్న విషయం అందరికీ తెలిసిందే. అయితే ఈరోజు ఉదయమే ఆయన యునైటెడ్ అరబ్ ఎమిరేట్స్ (యూఏఈ) చేరుకున్నారు. ఈక్రమంలోనే ఆదేశం ట్రంప్‌నకు సంప్రదాయ నృత్యం అల్ అయ్యాలాతో స్వాగతం పలికింది. తెలుపు రంగు దుస్తులు ధరించిన కొంతమంది బాలికలు జుట్లు విరబోసుకుని.. సంగీతానికి అనుగణంగా శివసత్తుల్లా తలలు ఊపారు. ఇది చూసిన ట్రంప్ ఆశ్చర్యపోయారు. అసలేంటిది అని అడిగారు. ప్రస్తుతం ఇందుకు సంబంధించిన వీడియో నెట్టిం తెగ వైరల్ అవుతోంది. మరి ట్రంప్‌ను అంతలా ఆశ్చర్యపోయేలా చేసిన ఈ అల్ అయ్యాలా సంప్రదాయం ఏంటో మనం ఇప్పుడు తెలుసుకుందాం.

అగ్రరాజ్యం అమెరికా అధ్యక్షుడు డొనాల్డ్ ట్రంప్ ప్రస్తుతం అరబ్ దేశాల్లో పర్యటిస్తున్న విషయం అందరికీ తెలిసిందే. ముఖ్యంగా శుక్రవారం రోజు ఉదయమే ఆయన యునైటెడ్ అరబ్ ఎమిరేట్స్ (యూఏఈ)కి చేరుకున్నారు. ఈక్రమంలనో ఆదేశ అధ్యక్షుడు మహమ్మద్ బిన్ జాయెద్ అల్ నహ్యాన్ స్వాగతం పలికారు. ఇరువురు నేతలూ కలిసి అధ్యక్ష భవనం ఖషర్ అల్-వాటన్‌కు చేరుకున్నారు. ఈ సందర్భంగానే పలువురు బాలికలు జుట్టు విరబోసుకుని.. తెలుపు రంగు పొడవాటి డ్రెస్సు ధరించి కనిపించారు. సంప్రదాయ సంగీతం ప్రారంభం కాగానే శివసత్తుల్లా తలలు ఊపారు. సంగీతానికి అనుగుణంగానే తలలు ఊపినప్పటికీ.. ఇది చూసిన ట్రంప్ షాక్ అయ్యారు. అసలేంటిదని ప్రశ్నించారు.

పక్కనే ఉన్న యూఏఈ అధ్యక్షుడు మహమ్మద్ బిన్ జాయెద్ అల్ నహ్యాన్.. అది సంప్రదాయ నృత్యం అని చెప్పారు. ప్రస్తుతం ఇందుకు సంబంధించిన వీడియోలు నెట్టింట తెగ వైరల్ అవుతున్నాయి. అసలింత కొత్తగా, వింతగా ఈ సంప్రదాయం ఉండేసరికి అందరి కన్ను దీనిపై పడింది. అసలిదేంటో తెలుసుకోవాలని ఆసక్తి కనబరుస్తున్నారు. యునెస్కో ప్రకారం.. అల్ అయ్యాలా అనేది యూఏఈ, ఒమన్ దేశాల్లో ప్రసిద్ధి చెందిన నృత్యం. తెలుపు రంగు పొడవాటి సంప్రదాయ దుస్తులు ధరించిన కొందరు బాలికలు.. తమ పొడవాటి జుట్లను విరబోసుకుంటారు. తలలు మొత్తం కిందకు వచ్చి.. సంగీతానికి అనుగుణంగా తలలను ఊపుతుంటారు. ఇలా చేస్తున్నప్పుడు జుట్టు అటూ ఇటూ గాల్లో ఎగురుతుంది.

వివాహాలు, ఇతరు శభకార్యాల సమయాల్లో అక్కడి ప్రజలు అల్ అయ్యాలాను ఎక్కువగా ప్రదర్శిస్తుంటారు. వయసు, లింగం, సామాజిక బేధం వంటి తేడాలు ఏవీ లేకుండా అందరికీ ఒకచోట చేర్చేదిగా దీన్ని భావిస్తుంటారు. అలాంటి సంప్రదాయ నృత్యం ఇప్పుడు నెట్టింట వైరల్ అవుతుండగా.. అనేక మంది దాని గురించి తెలుసుకుంటున్నారు.