అమెరికాలో లక్షలు సంపాదించినా వేస్టేనా? షాకింగ్ రిపోర్ట్!
international | Suryaa Desk | Published : Mon, Jun 16, 2025, 08:37 PM
"డాలర్ డ్రీమ్"తో అమెరికా వెళ్లాలనుకునే భారతీయ యువతకు.. ఢిల్లీకి చెందిన సుభాష్ చక్రబొర్తి పరిశోధన షాకింగ్ నిజాలు వెల్లడించింది. అమెరికాలో రూ. 80 లక్షల సంపాదనతో పొందే జీవితాన్ని, భారత్‌లో రూ. 23 లక్షలతోనే పొందొచ్చని తేలింది. పర్చేజింగ్ పవర్ ప్యారిటీ 3:1 నిష్పత్తిలో ఉండటం దీనికి కారణం. భోజనం, ఇంటర్నెట్, ఇంటి అద్దె వంటి వాటికి అమెరికాలో భారత్ కంటే 3 రెట్లు అధికంగా ఖర్చవుతుందని అధ్యయనం పేర్కొంది. విదేశాల్లో మెరుగైన సోషల్ సెక్యూరిటీ ఉన్నా, హెల్త్ కేర్, విద్య వంటి ఖర్చులు భారీగా ఉంటాయని ఈ రీసెర్చ్ హైలైట్ చేసింది. ఉదాహరణకు.. ఇండియాలో ఒక రెస్టారెంట్‌లో భోజనం సాధారణంగా రూ. 300 అయితే, అమెరికాలో అదే దాదాపు రూ. 1700 అవుతుంది. ఇండియాలో నెలకు ఇంటర్నెట్ బిల్లు రూ. 700కే దొరుకుతుంది. కానీ అమెరికాలో అది ఏకంగా రూ. 6000 అవుతుంది. ఇండియాలో రూ. 50,000 అద్దె ఉన్న ఇల్లు, అమెరికాలో రూ. 1,60,000 అవుతుందని ఈ రీసెర్చ్ బయటపెట్టింది. పూర్తి వివరాల కోసం వీడియో చూడండి.
|
|