ట్రెండింగ్
రైతులపై కూడా రౌడీషీట్లు తెరుస్తాం అనడం మంచి ప్రభుత్వ లక్షణమా?
Andhra Pradesh Telugu | Suryaa Desk | Published : Thu, Jul 10, 2025, 09:16 AM
వైయస్ఆర్సీపీ అధినేత, మాజీ ముఖ్యమంత్రి వైయస్ జగన్ మోహన్ రెడ్డి అంటేనే ఒక పోరాటమని మాజీ ఎమ్మెల్యే టీజేఆర్ సుధాకర్బాబు పేర్కొన్నారు. వైయస్ఆర్సీపీ కేంద్ర కార్యాలయంలో మాజీ ఎమ్మెల్యే, వైయస్ఆర్సీపీ ఎస్సీ సెల్ అధ్యక్షుడు టీజేఆర్ సుధాకర్బాబు మీడియాతో మాట్లాడుతూ.. చంద్రబాబు, లోకేష్ స్క్రిప్టు ప్రకారమే వైయస్ జగన్ చిత్తూరు పర్యటనకు పోలీసులు అనుమతులిచ్చారని, అలాగే ఆటంకాలు సృష్టిస్తున్నారని అన్నారు. ఆఖరికి రైతులపై రౌడీషీట్లు తెరుస్తామంటూ బెదిరించేందుకు సిద్దపడటం వెనుక సీఎం చంద్రబాబు, లోకేష్ల ఒత్తిళ్ళు ఉన్నాయని అన్నారు. సీఎం తను ప్రాతినిధ్యం వహిస్తున్న జిల్లాలో మామిడి రైతుల పట్ల ఇంత కక్షపూరితంగా ఎలా వ్యవహరిస్తున్నాడో అర్థం కావడం లేదని ధ్వజమెత్తారు.
|
|