వీధి వ్యాపారులపై కూటమికి ఎందుకు అంత కక్ష?
Andhra Pradesh Telugu | Suryaa Desk | Published : Sun, Sep 21, 2025, 12:27 PM
వీధి వ్యాపారాలు చేసుకుంటూ కుటుంబాలను పోషించుకుంటున్న హాకర్లపై కూటమి ప్రభుత్వం కర్కశంగా వ్యవహరిస్తోందని, కనీసం ముందస్తు నోటీసులు కూడా ఇవ్వకుండానే వారు ఏర్పాటు చేసుకున్న దుకాణాలను జేసీబీలతో నేలమట్టం చేశారని విశాఖ జిల్లా వైయస్ఆర్సీపీ అధ్యక్షులు కెకె రాజు ఆగ్రహం వ్యక్తం చేశారు. విశాఖలోని పార్టీ సిటీ కార్యాలయంలో ఆయన మీడియాతో మాట్లాడుతూ షాపుల అక్రమ తొలగింపు గురించి వైయస్ఆర్సీపీ ప్రశ్నిస్తుంటే మాకేం సంబంధం లేదని జీవీఎంసీ అధికారులు, పోలీసులు ఒకరిపైఒకరు ఆరోపణలు చేసుకుంటున్నారని.. పక్కా కుట్రతోనే ఎమ్మెల్యేలు, కార్పొరేటర్లు నగరంలో లేని సమయంలో ఈ కూల్చివేతలకు కూటమి ప్రభుత్వం ప్లాన్ చేసిందని కెకె రాజు ఆరోపించారు. బాధితులకు ప్రత్యామ్నాయం చూపే వరకు షాపులు, ఫుడ్ కోర్టు తొలగిస్తే అంగీకరించేది లేదని కెకె రాజు ప్రభుత్వాన్ని హెచ్చరించారు. షాపుల అక్రమ తొలగింపుపై సోమవారం వైయస్ఆర్సీపీ నాయకులంతా జీవీఎంసీ కమిషనర్ని కలుస్తామని స్పష్టం చేశారు. వైయస్ఆర్సీపీ హయాంలో వీధి వ్యాపారులకు ఇబ్బంది లేకుండా హాకర్స్ జోన్లు ఏర్పాటు చేసి ట్రాఫిక్కి ఇబ్బంది లేకుండా వీధి వ్యాపారాలను ప్రోత్సహించిన విషయాన్ని ఆయన గుర్తు చేశారు. ఆనాడు వ్యాపారుల కోసం జోన్లు ఏర్పాటు చేసిన జీవీఎంసీ అధికారులే నేడు కూటమి ప్రభుత్వం వచ్చాక వాటిని కూల్చివేస్తున్నారని ధ్వజమెత్తారు.
|
|