చరిత్ర రాయాలన్నా… Nara Lokesh విజయవాడని ఎంచుకున్నాడు!

‘విజయవాడ’ పేరులోనే విజయం ఉందని… చరిత్ర రాయాలన్నా, సృష్టించాలన్నా విజయవాడతోనే సాధ్యం అని మంత్రి నారా లోకేష్ తెలిపారు. ఆయన తెలుగు భాష అభివృద్ధికి మాజీ ఉపరాష్ట్రపతి వెంకయ్య నాయుడు చేసిన కృషిని ప్రశంసించారు.తెలుగు సినిమాలు, సాహిత్యం, కళలన్నీ వెలుగులోకి రావడంలో వెంకయ్య నాయుడు కీలక పాత్ర వహించినట్టు ఆయన పేర్కొన్నారు. “వెంకయ్య నాయుడు ఏజ్ ఒక నంబర్ మాత్రమే” అని శేఖరించారు. అంతేకాక, మంత్రి నారా లోకేష్, వెంకయ్య నాయుడు, సీఎం చంద్రబాబు నాయుడుతో తాను పోటీ పడలేమని కూడా స్పష్టం చేశారు.విజయవాడలోని పున్నమి ఘాట్‌లో ఘనంగా విజయవాడ ఉత్సవ్ ప్రారంభమైంది. తుమ్మలపల్లి కళాక్షేత్రంలో జరిగే ఈ వేడుకలకు వెంకయ్య నాయుడు ముఖ్య అతిథిగా హాజరయ్యారు.‘సొసైటీ ఫర్ వైబ్రెంట్ విజయవాడ’ ఆధ్వర్యంలో 3,000 మంది కళాకారులతో ప్రపంచంలోనే అతిపెద్ద కార్నివాల్ నిర్వహిస్తున్నారు. ఇందులో డ్రోన్ షో, పారా మోటరింగ్, హెలిరైడ్ వంటి ఆకట్టుకునే కార్యక్రమాలు ఉంటాయి. “మైసూర్ ఉత్సవాల స్థాయికి సమానం గా విజయవాడ ఉత్సవాలు జరగాలి. లండన్ వండర్ కార్నివాల్ లాంటి స్థాయికి చేరాలి. అమరావతి అభివృద్ధి వేగంగా జరుగుతోంది. ఎంపీ కేశినేనిచిన్ని కలిసి ఉత్సవ్ నిర్వహిస్తామని చెప్పినప్పుడు ఆశ్చర్యపోయాను. మెగా డీఎస్సీ సభ కూడా నిర్వహిస్తాం” అని మంత్రి నారా లోకేష్ తెలిపారు.దసరా పండుగ సందర్భంగా సెప్టెంబర్ 22 నుంచి అక్టోబర్ 2 వరకు ‘విజయవాడ ఉత్సవ్’ జరగనుంది. 286 ఈవెంట్స్తో వరల్డ్‌ బిగ్గెస్ట్ ఫెస్టివ్ కార్నివల్‌గా తెరకెక్కుతోంది.మాజీ ఉపరాష్ట్రపతి వెంకయ్య నాయుడు మాట్లాడుతూ, “విజయవాడ ఉత్సవ్ ద్వారా నగరానికి కొత్త శోభ ఏర్పడింది. విజయవాడ గొప్పతనాన్ని ప్రపంచానికి చాటి చెబుతోంది. మంచి చేసే వారిని ఎప్పుడూ గౌరవించాలి. రాజధాని విజయవంతం కావాలంటే ఎడ్యుకేషన్, ఎంటర్‌టైన్‌మెంట్ అవసరం. విజయవాడ అంతర్జాతీయ విమానాశ్రయం త్వరలో మరింత అభివృద్ధి చెందుతుంది. కుటుంబాలు మరింత బలంగా ఉండాలి. వంట విడిపోతే జంట కూడా విడిపోతుంది… వంటను కాపాడండి. భాష పోతే శ్వాస పోయినట్టే… అందరూ మాతృభాషను కాపాడాలి. ప్రైవేట్ వ్యక్తులు ముందుకు వచ్చి ఉత్సవ్ నిర్వహించడం సంతోషం. ఫాస్ట్ లైఫ్, ఫాస్ట్ ఫుడ్ అలవాట్లు మంచివి కాదు. విజయవాడ ఉత్సవ్ సక్సెస్ కావాలంటే అందరం కష్టపడాలి” అని అన్నారు.